Visto o expediente do convenio colectivo de Sodiga que tivo entrada nesta delegación provincial o día 29-1-1997, subscrito en representación da parte económica pola empresa e, da parte social polo delegado de persoal, o día 27-12-1996, de conformidade co disposto no artigo 90.2º e 3º, da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro rexistro de convenios colectivos de traballo, existente nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 4 de febreiro de 1997.
Mª Reyes Carabel Pedreira
Delegada provincial da Coruña
Convenio colectivo de traballo-Sociedad para el Desarrollo Industrial de Galicia, S.A. (Sodiga)
Artigo 1º.-Ámbito funcional.
As cláusulas do presente convenio colectivo de traballo de carácter provincial terán forza obrigatoria para os traballadores que prestan os seus servicios na empresa Sociedad para el Desarrollo Industrial de Galicia, S.A. (Sodiga).
Artigo 2º.-Ámbito territorial.
Será de aplicación na provincia da Coruña e concretamente no centro de traballo da empresa, situado en Santiago de Compostela.
Artigo 3º.-Ámbito persoal.
O convenio afecta a totalidade do persoal ó servicio da empresa.
Artigo 4º.-Vixencia, denuncia e revisión.
A totalidade dos artigos deste convenio entrará en vigor o día 1-1-1996, e a partir desa data ini
ciaranse tódolos seus efectos calquera que sexa o día da súa publicación no BOP, e a súa duración será ata o 31-12-1996.
A denuncia do convenio realizarase por escrito, con dous meses de antelación ó seu vencemento. No caso de revisión, proporán ámbalas partes negociadoras os puntos obxecto de posible negociación dentros dos mesmos prazos.
Artigo 5º.-Comisión paritaria.
Para a interpretación, arbitraxe, conciliación e vixilancia do seu cumprimento, créase a comisión paritaria do presente convenio.
Esta comisión comporase de dous vocais, representantes de cada unha das partes.
Ámbalas partes conveñen en dar coñecemento a esta comisión de cantas dúbidas e conflictos puidesen producirse como consecuencia da interpretación e aplicación do convenio, para que a comisión paritaria emita dictame e actúe na forma regulamentaria prevista.
A comisión paritaria emitirá a decisión ou resolución adoptada, se é o caso, de reunións ordinarias, no prazo de quince días, e no caso de seren extraordinarias, no prazo de sete días.
Artigo 6º.-Normativa aplicable.
As relacións laborais de tódolos traballadores incluídos no ámbito de aplicación deste convenio regularanse polo que neste se establece. No non previsto nel, habrá que aterse ás disposicións legais e regulamentarias vixentes.
Artigo 7º.-Clasificación de persoal.
O persoal que presta os seus servicios na empresa Sociedad para el Desarrollo Industrial de Galicia, S.A. (Sodiga), clasificarase en atención ás funcións que desenvolva, coas excepcións que se conteñen neste convenio, Polo tanto, as categorías non consideradas neste convenio serán creadas cando as necesidades de organización e traballo así o aconsellen.
Establéncese cinco niveis para a categoría de titulados superiores, un para a de axudantes non titulados, tres para a categoría de administrativos e tres para a categoría de subalternos.
Artigo 8º.-Xornada laboral.
A) Traballaranse 37,5 horas semanais, de luns a venres, co seguinte horario:
-Mañá de 8 a 15 horas.
-Unha tarde á semana, de 16 a 18.30 horas.
B) Xornada de verán:
Traballaranse 35 horas semanais, de luns a venres (ámbolos dous incluídos), en réxime de xornada continuada co seguinte horario: de 8 a 15 horas.
Esta efectuarase entre o 1 de xuño e o 30 de setembro de 1996 (ámbolos dous incluídos).
Artigo 9º.-Calendario laboral.
Á empresa confeccionará dentro do mes de xaneiro de cada ano o seu calendario laboral, no que se recollerán as festas retribuídas e non recuperables, conforme o que dispoña a Consellería de Xustiza, Interior e Relacións Laborais sobre calendario laboral anual, así como de carácter local emitidas pola lei.
No Nadal os traballadores desfrutarán de cinco días completos laborables con carácter de festa non recuperable, organizándose a distribución destes de acordo entre a empresa e os traballadores, acordo que necesariamente incluirá que a empresa se manteña aberta en todo momento. Durante a Semana Santa manteranse cubertos os servicios da empresa mediante aqueles traballadores que voluntariamente desexen cambiar estes días por outros durante o ano e a negociar coa dirección. Para o resto do cadro de persoal, estes días terán consideración de festivos non recuperables.
Durante a semana de festas locais do 25 de xullo, o horario será de 8 a 14 horas. O martes de entroido será festivo non recuperable.
Artigo 10º.-Vacacións.
Establécense para tódolos traballadores suxeitos a este convenio as vacacións anuais ininterrompidas durante o mes de agosto ou ben pactar traballador e empresa, a conveniencia de ámbolos dous, outras datas, incluíndo a súa partición.
Artigo 11º.-Niveis de retribución e dereitos económicos.
Existen 12 niveis correspondentes á clasificación funcional nas 5 categorías descritas no artigo 7º, con 5 niveis para a categoría de titulado superior, 1 para a categoría de axudantes non titulados, 3 para a categoría de administrativos e 3 para a categoría de subalternos.
Os dereitos económicos concrétanse nos seguintes conceptos:
1. Salario: considéranse parte integrantes do salario as seguintes:
a) Salario base.
b) Antigüidade.
c) Incentivos.
2. Retribucións que non teñen a consideración real de salario.
Artigo 12º.-Táboa salarial.
A) Salario base.
CategoríaTitulados superioresAnual
* Xefe de Dpto.2.133.572
* Nivel A2.133.572
* Nivel B2.133.572
* Nivel C2.133.572
* Nivel D2.133.572
CategoríaAxudantes non tituladosAnual
* Nivel A1.884.960
CategoríaAdministrativosAnual
* Nivel A1.770.216
* Nivel B1.770.216
* Nivel C1.770.216
CategoríaSubalternosAnual
* Nivel A1.674.596
* Nivel B1.559.866
* Nivel C1.559.866
B) Incentivos (por calidade e cantidade de traballo).
CategoríaTitulados superioresAnual
* Xefe de Dpto.4.738.440
* Nivel A3.905.986
Os soldos percibidos polos técnicos incluídos nestes niveis poden ser ata un 8% superiores ás cantidades de referencia indicadas, e ata un 13% inferior a elas.
CategoríaAnual
* Nivel B2.365.594
Os soldos percibidos polos técnicos incluídos neste nivel poden ser ata un 8% superiores á cantidade de referencia indicada.
CategoríaAnual
* Nivel C1.514.408
* Nivel D
Sen incentivos. Persoal bolseiro con contrato de traballo temporal e/ou en prácticas.
CategoríaAxudantes non tituladosAnual
* Nivel A1.009.484
Os soldos percibidos polo persoal incluído neste nivel poden ser ata un 8% ou 16% superiores á cantidade de referencia indicada.
CategoríaAdministrativosAnual
* Nivel A961.940
* Nivel B773.514
* Nivel C585.074
Os soldos percibidos polo persoal incluído neste nivel poden ser un 8% superiores á cantidade de referencia indicada.
CategoríaSubalternosAnual
* Nivel A583.576
* Nivel B577.990
* Nivel C309.218
Artigo 13º.-Incremento salarial 1996.
O incremento salarial para o ano 1996 será do 3,5% para todo o persoal, aplicable a tódolos conceptos integrantes do artigo 11 do presente convenio, incluída a antigüidade, que se actualizará en función do incremento dos novos salarios base.
A táboa salarial detallada no artigo 12º xa inclúe a dita suba do 3,5%, de acordo coa lei 6/1994, do 29 de decembro.
Non obstante, de fixarse unha revisión salarial entre a Administración autonómica e os sindicatos en función do incremento real do IPC en 1996, aplicarase automaticamente.
Artigo 14º.-Complemento por antigüidade.
Establécese un complemento por antigüidade para tódalas categorías consistente en bienios do cinco por cento do salario base, e comezarase a devengar a principios do ano no que se cumpra o bienio.
10% do salario base ata os 5.
32% do salario base ata os 15.
40% do salario base ata os 20.
60% do salario base ata os 25 ou máis anos.
O tope pasa ó nivel seguinte, unha vez transcorrido o tempo fixado, pero con efectos desde o 1 de xaneiro do ano no que se produza.
Artigo 15º.-Distribución do salario anual e pagas extraordinarias.
Os salarios establecidos no artigo 12º, que inclúe as pagas extraordinarias, serán distribuídos en doce mensualidades.
Artigo 16º.-Retribucións que non teñen a consideración legal de salario.
a) Axuda de estudios.
Créase unha axuda de estudios de 20.000 ptas. netas anuais, por cada fillo dos traballadores que estea percibindo calquera tipo de ensino, a partir dos 3 anos.
Así mesmo, créase igual axuda para os propios traballadores que se atopen na mesma situación. Estas axudas aboaranse nos primeiros días do mes de setembro de cada ano.
A empresa destinará á realización de cursos de formación do persoal, polo menos un 1% do total dos gastos de persoal (conta 64), sempre que exista unha suficiente demanda por parte dos traballadores. A regulación desta prestación levarase a cabo mediante nota de réxime interno redactada entre a dirección e o delegado de persoal.
A empresa aboará o 75% do curso de idiomas que calquera traballador desexe realizar. O custo deste curso inclúese entre os de formación do persoal.
b) Premio por nupcialidade e por natalidade.
O persoal que contraia matrimonio terá dereito á percepción dunha gratificación extraordinaria equivalente a 100.000 pesetas.
A empresa aboará o importe dunha prestación de 100.000 ptas., que o traballador percibirá polo nacemento de cada fillo.
Así mesmo, no suposto de que os cónxuxes traballasen na mesma empresa, unicamente terá dereito a esta prestación o cónxuxe que acredite a súa condición de cabeza de familia.
c) Premio de vinculación.
O traballador que alcance a súa xubilación ou se atope en invalidez total, percibirá en concepto de gratificación, o importe dunha mensualidade do seu salario real, sen prexuízo da súa correspondente liquidación de tódolos seus dereitos laborais a esas datas.
d) Anticipos ó persoal.
A empresa destinará para o persoal un fondo de doce millóns de pesetas.
d) Seguro de vida e accidentes.
Todo o persoal disporá dun seguro de vida por un capital asegurado de 3 millóns de pesetas para 1997 e 5 millóns de pesetas para 1998 e seguintes. O persoal que viaxe por necesidades do seu traballo disporá dun seguro por accidentes cun capital asegurado de 14 millóns de pesetas no caso de morte e 23 millóns de pesetas no caso de invalidez permanente. Para o resto do persoal existirá un seguro de accidentes por 4 millóns de pesetas en caso de morte e 8 millóns de pesetas en caso de invalidez permanente.
Artigo 17º.-Axudas de custo e locomoción.
As axudas de custo para o persoal que, por orde da empresa, teña necesidade de efectuar saídas fóra do concello de Santiago de Compostela, quedarán establecidas da seguinte maneira:
Media axuda de custo: 4.500 ptas.
Artigo 18º.-Horas extraordinarias.
A regulación deste artigo quedará suxeita á normativa legal vixente e, en concreto, ó Estatuto dos traballadores e á súa posterior modificación, recollida no Real decreto 1/1986, do 14 de marzo de 1986.
Artigo 19º.-Permisos retribuídos.
Ós traballadores interesdos concederánselles necesariamente os seguintes permisos retribuídos:
a) Por asuntos propios: 3 días.
b) Por matrimonio: 20 días.
c) Intervención cirúrxica ou enfermidade grave dos pais, pais políticos, fillos ou cónxuxe: 5 días.
d) Parto de esposa: 5 días.
e) Morte de cónxuxe, ascendentes, descendentes ou irmáns: de 5 a 8 días, que se concederán a xuízo da empresa se o óbito ocorrese en localidade distinta á do centro de traballo.
f) Cumprimento dun deber público: o tempo necesario para iso.
g) Exames para a obtención de títulos académicos: o tempo necesario.
h) Licencia a representantes sindicais: haberá que aterse ó disposto no vixente Estatuto dos traballadores.
i) Por traslado de vivenda: 2 días, e un máis cando o traslado sexa a máis de 50 km.
j) Os traballadores, por lactancia dun fillo menor de nove meses, terán dereito a unha hora de ausencia do traballo, que poderán dividir en dúas fraccións.
Artigo 20º.-Incapacidade laboral transitoria.
A empresa complementará as prestacións da Seguridade Social por enfermidade ou accidente ata o 100% da retribución do trabalaldor, durante o período de vixencia das ditas prestacións.
A empresa comprométese a garanti-la cobertura salarial completa dos traballadores fixos que sexan declarados diminuídos físicos ou psíquicos pola autoridade competente e, como consecuencia disto, non poidan presta-los seus servicios na empresa. Esta remuneración efecutarase durante o período transitorio de negociación coa autoridade competente ata que se determine o grao de invalidez.
Artigo 21º.-Permiso sen soldo.
Os traballadores que leven como mínimo un ano na empresa terán dereito a solicitar un permiso sen soldo por un máximo de 30 días unha vez ó ano.
Así mesmo, o traballador terá dereito a un permiso continuado sen soldo dun mes por cada ano de antigüidade, sen supera-lo permiso total de 12 meses. Unha vez transcorrido calquera dos tipos de permiso, o traballador reincorporarase automaticamente ó seu posto de traballo na mesma categoría laboral e con tódolos dereitos, como se estivese en activo. Os traballadores que estean desfrutando do permiso solicitado terán dereito á incorporación ó posto de traballo, logo de notificación cun mínimo de 15 días de antelación.
Os traballadores que desfruten o permiso máximo ata 12 meses, terán que deixar transcorrer dez anos para xerar un novo dereito.
1172
