Examinados os expedientes instruídos por instancia dos titulares dos centros, nos que se solicita autorización definitiva para a apertura e funcionamento dos centros privados de educación secundaria, Ntra. Sra. del Rosario, de Arzúa; María Auxiliadora, de Lugo; Divina Pastora, do Barco de Valdeorras (Ourense); San José, de Ourense; María Auxiliadora, de Ourense; e Sagrada Familia, de Aldán-Cangas (Pontevedra).
Tendo en conta que os expedientes foron tramitados polas delegacións provinciais da Consellería de Educación e Ordenación Universitaria, que os remiten cos informes da Unidade Técnica e Inspección Educativa.
Vistos a Lei 1/1990, do 3 de outubro (BOE do 4), de ordenación xeral do sistema educativo, Real decreto 1004/1991, do 14 de xuño (BOE do 26), polo que se establecen os requisitos mínimos dos centros que imparten ensinanzas de réxime xeral non universitarias, Decreto 133/1995, do 10 de maio (DOG do 22), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG do 15 de decembro) que o desenvolve.
Considerando que concorren nos expedientes os requisitos esixidos nas disposicións vixentes para poder acceder ó solicitado.
Esta consellería, por proposta da Dirección Xeral de Centros e Inspección Educativa,
DISPÓN:
Primeiro.-Autoriza-la apertura e funcionamento dos centros de educación secundaria e, como consecuencia disto, establece-la configuración definitiva do centro existente no mesmo edificio ou recinto escolar, segundo se especifica no anexo.
Segundo.-A presente autorización producirá efectos progresivamente, a medida que se implanten as ensinanzas autorizadas conforme o calendario de aplicación da nova ordenación do sistema educativo, segundo os reais decretos 986/1991, do 14 de xuño e 1487/1994, do 1 de xullo.
Terceiro.-Antes do inicio das ensinanzas de Educación Secundaria Obrigatoria que se autorizan, a Delegación Provincial da Consellería de Educación e Ordenación Universitaria, logo de informe da Inspección Educativa, aprobará expresamente a relación de persoal que impartirá docencia no dito centro.
Cuarto.-Os centros de Educación Secundaria que pola presente orde se autorizan, deberán cumpri-la norma básica da edificación NBE-CPI/1996, de condicións de protección contra incendios nos edificios, aprobada por Real decreto 2177/1996, do 4 de outubro, (BOE do 29). Todo isto sen prexuízo de que teñan que cumprirse outros requisitos esixidos pola normativa municipal ou autonómica.
Quinto.-Quedan os centros obrigados ó cumprimento da lexislación vixente e a solicita-la oportuna revisión cando teña que modificarse calquera dos datos que sinala a presente orde.
Santiago de Compostela, 30 de xaneiro de 1997.
Celso Currás Fernández
Conselleiro de Educación e Ordenación
Universitaria
ANEXO
-Provincia: A Coruña.
Municipio: Arzúa.
Localidade: Arzúa.
Domicilio: Carmen, 22.
Denominación específica: Nuestra Señora del Rosario.
Titular: Religiosas de la Grande Obra de Atocha.
Composición resultante:
a) Centro de Educación Infantil: 3 unidades.
b) Centro de Educación Primaria: 6 unidades.
c) Centro de Educación Secundaria: 4 unidades de Educación Secundaria Obrigatoria.
-Provincia: Lugo.
Municipio: Lugo.
Localidade: Lugo.
Enderezo: Avda. Ramón Ferreiro, 3.
Denominación específica: María Auxiliadora.
Titular: Hijas de María Auxiliadora.
Composición resultante:
a) Centro de Educación Especial: 1 unidade.
b) Centro de Educación Infantil: 6 unidades.
c) Centro de Educación Primaria: 12 unidades.
d) Centro de Educación Secundaria: 8 unidades de Educación Secundaria Obrigatoria.
-Provincia: Ourense.
Municipio: O Barco de Valdeorras.
Localidade: O Barco de Valdeorras.
Enderezo: Ramón del Valle Inclán, 2.
Denominación específica: Divina Pastora.
Titular: Religiosas Franciscanas.
Composición resultante:
a) Centro de Educación Infantil: 6 unidades.
b) Centro de Educación Primaria: 12 unidades.
c) Centro de Educación Secundaria: 8 unidades de Educación Secundaria Obrigatoria.
-Provincia: Ourense.
Municipio: Ourense.
Localidade: Ourense.
Enderezo: Xeral Franco, 42.
Denominación específica: San José.
Titular: Siervas de San José.
Composición resultante:
a) Centro de Educación Infantil: 5 unidades.
b) Centro de Educación Primaria: 12 unidades.
c) Centro de Educación Secundaria: 8 unidades de Educación Secundaria Obrigatoria.
-Provincia: Ourense.
Municipio: Ourense.
Localidade: Ourense.
Enderezo: Praza de Don Bosco, 1.
Denominación específica: María Auxiliadora.
Titular: Religiosos Salesianos.
Composición resultante:
a) Centro de Educación Primaria: 12 unidades.
b) Centro de Educación Secundaria: 12 unidades de Educación Secundaria Obrigatoria.
c) Centro de Bacharelato: 6 unidades coas modalidades seguintes: Ciencias da Natureza e da Saúde e Humanidades e Ciencias Sociais.
-Provincia: Pontevedra.
Municipio: Cangas.
Localidade: Aldán.
Enderezo: Espiñeira Avda. San José Graña, 4.
Denominación específica: Sagrada Familia.
Titular: Patronato de la Fundación Sagrada Familia.
Composición resultante:
a) Centro de Educación Infantil: 3 unidades.
b) Centro de Educación Primaria: 6 unidades.
c) Centro de Educación Secundaria: 4 unidades de Educación Secundaria Obrigatoria.
97-992
