Aprobadas polo Pleno en sesión do 10 de xaneiro de 1997 as bases para adquirir por concurso un terreo con destino á contraucción dun centro médico en Souto de Vea, ábrese prazo para presentación de ofertas, segundo as seguintes condicións:
Superficie: o terreo que se oferte terá unha superficie mínima de 2.000 m. Atoparase situado dentro do núcleo de Souto de Vea. Terá acceso rodado por pista ou estrada asfaltada e será apto para poder ser edificado. Teranse en conta, na elección, as facilidades para a conexión eléctrica, auga e rede de sumidoiros.
Tipo de licitación: 2.000.000 de pesetas como máximo.
Presentación: as plicas presentaranse na Secretaría Xeral do Concello ata as 13 horas do día 26 seguinte á publicación deste anuncio no DOG. Os días serán hábiles. As ofertas irán nun sobre pechado coa inscrición «Proposición para o concurso de terreos con destino a centr médico de Souto de Vea».
Apertura: terá lugar ás 13 horas do día hábil seguinte ó último fixado para a presentación.
Documentación: no sobre xuntarase a seguinte documentación:
a) Documento xustificativo da personalidade.
b) Declaración responsable de non estar incurso en prohibición de contratar.
c) Título de propiedade e plano de situación desta.
d) Proposición adaptada ó seguinte modelo:
Don/Dona..., veciño/a de..., con enderezo en... en nome propio (ou en representación de...), informado do anuncio para a compra polo concello dun terreo con destino a centro médico en Souto de Vea, ofrece un terreo de... m, na cantidade de... (en letra) pesetas m. (Data e sinatura do propoñente).
A Estrada, 21 de xaneiro de 1997.
Alcalde
Rubricado
695