De conformidade co establecido na Orde do 22 de maio de 1996, sobre delegación de atribucións nos órganos centrais e periféricos da Consellería de Sanidade e Servicios Sociais.
A Delegación Provincial de Pontevedra, unha vez cumpridos os trámites administrativos correspondentes, resolve anuncia-los seguintes concursos públicos:
* Expediente 1/1996.
Obxecto: subministración de carnes, froitas e verduras.
Orzamento do contrato: 22.800.000 pesetas (vintedous millóns oitocentas mil pesetas).
* Expediente 2/1996.
Obxecto: subministración de pan e bolería, iogurt, lácteos e derivados varios.
Orzamento do contrato: 26.760.000 pesetas (vinteseis millóns setecentas sesenta mil pesetas).
* Expediente 3/1996.
Obxecto: subministración de conxelados e peixe fresco.
Orzamento do contrato: 21.840.000 pesetas (vinteún millóns oitocentas corenta mil pesetas).
* Expediente 4/1996.
Obxecto: subministración de material sanitario e material de limpeza.
Orzamento do contrato: 26.420.000 pesetas (vinteseis millóns catrocentas vinte mil pesetas).
* Expediente 5/1996.
Obxecto: subministración de papelería e imprenta.
Orzamento do contrato: 2.750.000 pesetas (dous millóns setecentas cincuenta mil pesetas).
Condicións de licitación:
1. Prazo de execución: desde a data de adxudicación ata o 31 de decembro de 1997.
2. Admisión de variantes: non se admitirán variantes ou alternativas na subministración.
3. Garantía provisional: non se esixe.
4. Forma de adxudicación: concurso público, procedemento aberto e trámite de urxencia, mediante tramitación anticipada de gasto.
5. Clasificación: non se esixe.
6. Solvencia económica e financeira: acreditarase por calquera dos medios previstos no artigo 16 da Lei de contratos das administracións públicas (Lei 13/1995, do 18 de maio, BOE nº 119, do 19 de maio).
7. Solvencia técnica: acreditarase por calquera dos medios previstos no artigo 18 da lei 13/1995, do 18 de maio, dos contratos das administracións públicas (BOE nº 119, do 19 de maio).
8. Criterios de adxudicación:
* Calidade: 6 puntos.
* Prezo: 5 puntos.
* Servicio: 4 puntos.
* Medios técnicos e humanos cos que conte a empresa: 3 puntos.
* Execución a plena satisfacción de servicios semellantes: 2 puntos.
* Que a empresa teña no seu cadro de persoal un número de traballadores minusválidos non inferior ó 2% nos termos establecidos na disposición adicional 8 da LCAP: 1 punto.
9. Documentación que presentarán os licitadores: a esixida na cláusula 9ª do prego de cláusulas administrativas particulares.
10. Exposición de documentación: os pregos de cláusulas administrativas particulares e de prescricións técnicas poderán examinarse na Delegación Provincial da Consellería de Sanidade e Servicios Sociais de Pontevedra ou nas súas dependencias en Vigo (rúa Cánovas del Castillo, s/n), durante o prazo
de presentación de proposicións, desde as 10 ás 14 horas, en días hábiles agás sábados. Así mesmo, poderán examinarse na propia residencia asistida da terceira idade (Monte Arieiro s/n Bembrive) ou ben no Servicio de Administración e Xestión Económica da Dirección Xeral de Servicios Sociais e nos Servicios de Xestión Económica das restantes delegacións provinciais da Consellería de Sanidade e Servicios Sociais.
11. Presentación de proposicións: efectuarase no rexistro xeral da Delegación Provincial da Consellería de Sanidade e Servicios Sociais de Pontevedra ou nas súas dependencias en Vigo, en sobres pechados en horario de 9 a 14 horas, ou ben por correo con xustificación da data de imposición e a comunicación o mesmo día ó órgano de contratación mediante telegrama ou telefax.
12. Prazo de presentación de proposicións: será de 13 días naturais contados desde o seguinte ó da publicación desta resolución no Diario Oficial de Galicia.
13. Apertura de proposicións: será realizada pola mesa de contratación a partir das 10 horas do décimo primeiro día natural seguinte ó do remate do prazo de presentación de proposicións, na sala de xuntas da Delegación Provincial da Consellería de Sanidade e Servicios Sociais de Pontevedra en Vigo. Se coincidise en sábado ou festivo, terá lugar o día hábil seguinte á mesma hora.
14. Os gastos derivados deste anuncio serán por conta das empresas adxudicatarias.
Vigo, 30 de decembro de 1996.
P.D. (Orde do 22-5-1996)
Jorge García-Borregón Millán
Delegado provincial da Consellería de Sanidade e Servicios Sociais de Pontevedra
519