Polo presente edicto e debido a que os debedores comprendidos na relación que a seguir se insire non puideron ser atopados nos domicilios que figuran nos rexistros da Administración tributaria ou que foron alegadas distintas causas, para non recibiren as notificacións, polas persoas que a lexislación autoriza para facerse cargo delas, fáiselles saber que:

Se lles notifica ós debedores, de acordo co artigo 103 do Regulamento xeral de recadación (Real Decreto 1684/1990, do 20 de decembro), que non satisfeita a débeda de referencia no prazo de ingreso en período voluntario, en virtude do establecido no artigo 127 da Lei xeral tributaria, a Comunidade Autónoma de Galicia, acordou:

«En uso das facultades que me confiren os artigos 100 e 106 do Regulamento xeral de recadación, líquido o recargo de constrinximento polo 20% do importe da débeda pendente e dicto providencia de constrinximento para que se proceda executivamente contra o patrimonio ou garantías dos debedores, en caso de non se produci-lo ingreso nos prazos sinalados no artigo 108 do citado regulamento».

Recursos: recurso de reposición perante o órgano que dictou a providencia de constrinximento, no prazo de 15 días contados a partir do seguinte ó do recibo desta notificación ou reclamación económico-administrativa, ante o tribunal competente da dita xurisdicción, no mesmo prazo, sen que poidan simultanearse ámbolos recursos. A resolución das reclamacións económico-administrativas correspondenralles ós órganos económico-administrativos da Comunidade Autónoma.

Motivos de impugnación: o procedemento de constrinximento podrá impugnarse polos seguintes motivos (artigo 138.1º da Lei xeral tributaria e o artigo 99.1º do Regulamento xeral de recadación).

-Pagamento ou extinción da débeda.

-Prescrición.

-Aprazamento.

-Falta de notificación da liquidación ou anulación ou suspensión dela.

-Defecto formal no título expedido para a execución.

Suspensión do procedemento: o procedemento de constrinximento, aínda que se interpoña recurso, só se suspenderá nos termos e condicións sinalados no artigo 101 do Regulamento xeral de recadación (Real Decreto 1684/1880, do 20 de decembro).

Solicitude de aprazamento: conforme establece o artigo 48 do Regulamento xeral de recadación, poderase aprazar ou fracciona-lo pagamento das débedas en período executivo.

A presentación das solicitudes de aprazamento ou fraccionamento efectuarase na delegación ou admi

nistracións da AEAT do territorio en que deba efectuarse o pagamento.

Lugar de pagamento: na entidade que presta o servicio de caixa na delegación de administración da AEAT.

Xuros de demora: as cantidades que se deban, excluído o recargo de constrinximento, producirán xuros de demora desde o día seguinte ó do vencemento da débeda en período voluntario ata a data do seu ingreso; o tipo de xuro fixarase de acordo co establecido nos artigos 58 da Lei xeral tributaria e 36 da Lei xeral orzamentaria, segundo se trate de débedas tributarias ou non tributarias respectivamente.

Custas: en caso de se producir custas no procedemento, a Administración repercutirá o seu importe ó debedor, conforme o establecido nos artigos 153 e 157 do Regulamento xeral de recadación.

Prazos para efectua-lo ingreso: (artigo 108 do Regulamento xeral de recadación).

A) Recibida a notificación entre os días 1 e 15 de cada mes, ata o 20 do dito mes, ou inmediato hábil posterior.

B) Recibida a notificación entre os días 16 e último de cada mes, ata o 5 do mes seguinte, ou inmediato hábil posterior.

Comparecencia do interesado: advírteselle ó debedor que pode constituírse en parte, en por si ou por medio de representante, no expediente executivo que se segue contra el, transcorridos oito días desde a publicación deste anuncio; se o interesado non se consitúe en parte será tido por notificado de tódalas sucesivas dilixencias ata que remate a substantivación do procedemento sen prexuízo do dereito que o asiste a comparecer.