Por medio do presente edicto notifícaselle á auxiliar puericultora da Consellería de Familia, Muller e Xuventude Elena Soto Gil, por ser devolta a notificación que no seu momento foi practicada polo servicio de correos no seu domicilio: r/ Curros Enríquez nº 43, 4º I, A Coruña, por encontrarse esta ausente, sen dar razón dela, nin facerse cargo da súa recepción, que se incoou contra ela, co nº 1/1996, expediente diciplinario por Resolución do 12 de novembro de 1996, que se encontra á súa disposición no Servicio de Persoal da Secretaría Xeral da Consellería de Familia, Muller e Xuventude de 9 h. a 14 h. para que no prazo de dez días hábiles, a partir da publicación do presente edicto, a interesada poida exerce-lo seu dereito á vista do expediente e poida presenta-las alegacións que considere pertinentes, apercibíndoa de que de non acudir a este requirimento se proseguirán as actuacións a que en dereito haxa lugar.
Para que conste e lle sirva de notificación á interesada e no cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, en relación ó artigo 49 do III convenio colectivo único para o persoal laboral da Xunta de Galicia (DOG nº 249, do 28 de decembro de 1994) expido, asino e selo este edicto en Santiago de Compostela o 14 de xaneiro de 1997.
Javier Batán Rodríguez
Secretario xeral da Consellería de Familia,
Muller e Xuventude
497