Visto o expediente para outorgamento de autorización administrativa, declaración de utilidade pública e aprobación do proxecto de execución da instalación eléctrica que a continuación se detalla:

Solicitante: Barras Eléctricas, S.A.

Enderezo social: Cidade de Viveiro, 4-1º Lugo.

Denominación: reelectrificación de Espasante de Abaixo e Carboeiro.

Situación: Riotorto.

Características técnicas: liña de media tensión a 20 kV, en conductor LA-56 de 55 mm Al, cunha lonxitude de 97 metros, sobre postes de formigón ou torres metálicas. Dous centros de transformación tipo intemperie de 50 kVA e 160 kVA 20.000/380-220 V. Rede de baixa tensión en conductor R.Z.-150-95-50, cunha lonxitude de 2.250 metros, sobre postes de formigón ou grampados sobre fachadas, para mellora do servicio eléctrico en Espasante de Abaixo e Carboeiro, no concello de Riotorto.

Cumpridos os trámites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolveu:

Autorizar, declarar de utilidade pública e aproba-lo proxecto de execución das devanditas instalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.

Lugo, 4 de decembro de 1996.

Jesús Bendaña Suárez

Delegado provincial de Lugo

206