Visto o expediente para outorgamento de autorización administrativa, declaración de utilidade pública e aprobación do proxecto de execución da instalación eléctrica que a continuación se detalla:
Solicitante: Barras Eléctricas, S.A.
Enderezo social: Cidade de Viveiro, 4-1º Lugo.
Denominación: reelectrificación de Cordal, Igrexia-Parroquia de Labrada.
Situación: Abadín.
Características técnicas: liñas de media tensión a 20 kV, con conductor LA-56 de 54,6 mm Al, cunha lonxitude de 4.680 metros sobre apoios de formigón ou metálicos. Centro de transformación de 50 kVA 20.000/380-220 V, sobre apoio metálico. Redes de baixa tensión en conductor R.Z.-95-50, cunha lonxitude de 2.030 metros, sobre apoios de formigón ou grampados sobre fachadas, para mellora do servicio eléctrico en Cordal, Igrexa, Valiña, Catoira, Cabeira, Barral, Chao de Outeiro e Carozo, na parroquia de Labrada, no concello de Abadín.
Cumpridos os trámites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolveu:
Autorizar, declarar de utilidade pública e aproba-lo proxecto de execución das devanditas instalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.
Lugo, 29 de novembro de 1996.
Jesús Bendaña Suárez
Delegado provincial de Lugo
201