Rematados os traballos de revisión das normas subsidiarias de planeamento, nun grao de desenvolvemento que permite formula-los criterios, obxectivos e solucións xerais de planeamento.

De conformidade co disposto no artigo 125.1º do Regulamento de planeamento urbanístico (aprobado polo Real decreto 2159/1978, do 23 de xuño) a corporación municipal acordou anuncia-la exposición ó público de tales traballos, na dependencia destinada para iso dentro da Casa do Concello, durante un prazo de trinta días hábiles, contados desde o día seguinte ó da inserción deste anuncio no Diario Oficial de Galicia e no BOP, co obxecto de que poidan formularse suxestións e, se é o caso, outras alternativas de planeamento por corporacións, asociacións e particulares.

O dito prazo poderá ser prorrogado por un mes se, a criterio do técnico municipal, resultase insuficiente para poder recoller tódalas suxestións e alternativas de planeamento que estivesen presentándose ou considere que se vaian presentar.

Ó mesmo tempo faise saber que naqueles supostos en que sexa preciso realizar calquera consulta de carácter técnico, en relación cos traballos de revisión realizados, o horario de atención ó público, por parte do técnico municipal ou, se é o caso, dun dos técnicos do equipo redactor dos traballos, será desde as 17 horas ata as 19 horas, tódolos martes, xoves e venres abranguidos no período da exposición pública.

En Arzúa, tres de decembro de mil novecentos noventa e seis.

Manuel Moscoso López

Alcalde

9342