A Dirección Xerencia do Complexo Hospitalario Cristal-Piñor de Ourense, en virtude das atribucións que lle foron delegadas conforme o establecido no artigo 7 da Orde do 22 de maio de 1996 (DOG do 6 de xuño), da Consellería de Sanidade e Servicios Sociais, convoca o seguinte concurso público:

Contratación do servicio de seguridade do Complexo Hospitalario Cristal-Piñor.

Orzamento máximo de licitación: 19.000.000 de ptas. (IVE incluído) en cómputo anual.

Forma de adxudicación: procedemento aberto mediante concurso público nº 21/1996, tramitado con carácter urxente.

Prazo de execución: ano 1997, inicio prestación do servicio desde a sinatura do contrato ata o 31 de decembro de 1997.

Admisión de variantes: sí, sempre que se cumpra o establecido no prego de cláusulas administrativas particulares e prescricións técnicas.

Solvencia económica e financeira: non se require.

Solvencia técnica: non se require.

Clasificación económica: grupo III, subgrupo 2, categoría A.

Fianza provisional: 2% do orzamento de licitación.

Fianza definitiva: 4% do orzamento de licitación.

Criterios de adxudicación: prezo: 5 puntos, oferta técnica segundo cláusula 14ª do prego de prescricións técnicas: 3 puntos e experiencia en seguridade en centros sanitarios: 2 puntos.

Documentación de interese para os licitadores: os pregos de cláusulas administrativas particulares e prescricións técnicas e demais documentación complementaria poden ser solicitados na unidade de contratación do complexo hospitalario, rúa Ramón Puga nº 52 (edificio de Administración, planta baixa), de Ourense, en días laborables, das 9 ás 13 horas.

Presentación de proposicións: presentaranse en man, en sobres pechados e asinados polo licitador ou persoa que o represente, no rexistro xeral deste complexo hospitalario, antes das 13 horas do décimo terceiro día natural contados desde o seguinte ó da publicación desta resolución no DOG, ou enviadas por correo dentro do prazo sinalado. No caso de que o dito día coincida en sábado ou festivo, o prazo de presentación finalizará o día hábil seguinte.

Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax

(988) 38 55 50 ou telegrama no mesmo día, de conformidade coa lexislación vixente.

Apertura de proposicións: terá lugar en acto público na sala de xuntas anexa á Dirección de Xestión do complexo hospitalario, ás 10 horas do décimo primeiro día natural contados desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar no día hábil seguinte.

Documentación que achegarán os licitadores: os documentos sinalados no prego de cláusulas administrativas particulares e técnicas.

Anuncios: o pagamento dos anuncios do presente concurso público será por conta do adxudicatario do contrato.

Ourense, 11 de decembro de 1996.

Pedro A. Soler Bordoy

Director xerente do Complexo Hospitalario Cristal-Piñor de Ourense

9610