Visto o expediente para outorgamento de autorización administrativa, declaración de utilidade pública e aprobación do proxecto da instalación eléctrica que a continuación se detalla:
Solicitante: Barras Eléctricas, S.A.
Enderezo social: Cidade de Viveiro, 4-1º-Lugo.
Denominación: reelectrificación de Bonxe.
Situación: Outeiro de Rei.
Características técnicas: liñas de media tensión a 20 kV, con conductor LA-30 de 31,2 mm Al, sobre apoios de formigón e torres metálicas, cunha lonxitude de 152 metros. Dous centros de transformación de 25 kVA 20.000/380-220 V, sobre torres metálicas, nos lugares de Vigo e Lombas. Rede de baixa tensión en conductor R.Z.-95-50-25, sobre apoios de formigón ou grampados sobre fachadas, para mellora do servicio eléctrico en Bonxe, concello de Outeiro de Rei.
Orzamento: 22.930.945 pesetas.
Cumpridos os tramites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolveu:
Autorizar, declarar de utilidade pública e aproba-lo proxecto de execución das devanditas instalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.
Lugo, 21 de novembro de 1996.
Jesús Bendaña Suárez
Delegado provincial de Lugo
9345