A Orde do 6 de novembro de 1995 (DOG nº 238, do 14 de decembro de 1995), e a Orde do 25 de abril de 1996 (DOG nº 105, do 3 de xuño de 1996), polas que se convocan bolsas de colaboración en proxectos de investigación que se desenvolven no Centro de Investigacións Lingüísticas e Literarias Ramón Piñeiro, prevén na súa base terceira a concesión de prórrogas ós bolseiros que presten a súa colaboración nalgún dos proxectos de investigación que se están realizando no centro.

A teor do sinalado na Orde do 2 de xuño de 1986, modificada pola Orde do 18 de outubro de 1991, sobre tramitación anticipada de expedientes de gasto, o gasto que se proxecta está condicionado á existencia de crédito adecuado e suficiente nos orzamentos do exercicio do ano 1997 en trámite parlamentario.

Na súa virtude e de acordo co establecido no parágrafo terceiro da base terceira das referidas ordes de convocatoria, esta dirección xeral,

RESOLVE:

Primeiro.-Concédeselle prórroga para desfrutar da bolsa durante un período dun ano, que se contará a partir do 1 de xaneiro de 1997, ás persoas que se relacionan no anexo á presente orde.

Segundo.-A contía das bolsas durante o período de prórroga será de 122.000 ptas. mensuais, segundo o establecido na base segunda das mencionadas ordes de convocatoria.

Terceiro.-Contra a presente orde, que esgota a vía administrativa, poderase interpoñer recurso contencioso-administrativo, previsto na Lei reguladora de xurisdicción contencioso-administrativa, do 27 de decembro de 1956, perante o Tribunal Superior de Xustiza de Galicia no prazo de dous meses a partir do día seguinte ó da súa publicación, despois de comunicarllo a esta consellería, segundo o previsto no artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común.

Disposición derradeira

A presente resolución entrará en vigor o mesmo día da súa publicación no Diario Oficial de Galicia.

Santiago de Compostela, 2 de decembro de 1996.

Manuel Regueiro Tenreiro

Director xeral de Política Lingüística

ANEXO

9478