O artigo 5.2º do Decreto 442/1990, de avaliación do impacto ambiental para Galicia (DOG número 188, do 25-9-90), dispón que os estudios de impacto ambiental se someterán ó trámite de información pública, durante trinta días hábiles, mediante anuncio no Diario Oficial de Galicia. Na súa virtude:

RESOLVO:

Someter á información pública, por un prazo de trinta días hábiles, contados a partir da publicación da presente resolución, o estudio de impacto ambiental e plan de restauración da solicitude da explotación mineira para o recurso xeolóxico de cuarcita denominada Cupa II nº 5377.5ª, situada no concello de Folgoso do Courel e Samos, provincia de Lugo, e solicitado por Cupire-Padesa, S.A.

Para os efectos informativos porase á disposición dos administrados que o soliciten un exemplar do estudio para consulta nas oficinas desta dirección xeral e as alegacións formularanse durante o prazo sinalado nas mesmas oficinas.

Santiago de Compostela, 23 de outubro de 1996.

Joaquín del Moral Crespo

Director xeral de Industria

7950