A Orde do 2 de maio de 1996 (DOG do 14 de maio), pola que se aproban as bases polas que se rexerán as convocatorias de bolsas e axudas de apoio á formación e actualización do persoal investigador, prevé, no apartado B do seu anexo I, a concesión de prórroga das bolsas de doutoramento a aqueles alumnos que desfrutaron unha bolsa de terceiro ciclo durante o curso 1995/1996 (modalidade nova adxudicación), concedida por resolución da Dirección

Xeral de Universidades e Investigación do 22 de decembro 1995 (DOG do 30 de decembro 1995).

Así mesmo, no anexo I.A da citada orde prevese a concesión de bolsas de nova adxudicación. De acordo co establecido no punto 5 deste anexo desde o 20 ó 30 de novembro espuxéronse as listas de solicitudes admitidas e excluídas, podendo durante ese mesmo período os interesados formular reclamacións para emendar erros e falta de documentos. Rematado este prazo e estudiadas as reclamacións presentadas, as solicitudes admitidas foron avaliadas de acordo co establecido no punto 6 das bases da convocatoria.

En consecuencia, atendendo ás propostas que en relación con estes anexos I.A e I.B elaborou a Comisión de Selección de Política Científica creada polo Decreto 160/1991, do 16 de maio (DOG do 28 de maio), e orde da Consellería de Educación e Ordenación Universitaria, do 27 de xullo de 1994 (DOG do 10 de agosto), esta dirección xeral,

RESOLVE:

Primeiro.-Concederlles prórroga da bolsa para a realización de estudios de doutoramento ás persoas que se relacionan no anexo I á presente resolución.

Segundo.-Concederlles bolsa de nova adxudicación para realizar estudios de doutoramento ás persoas que se relacionan no anexo II á presente resolución.

Terceiro.-A contía da bolsa será de 50.000 ptas./mes brutas, desde outubro de 1996 a setembro de 1997 (ambólos dous incluídos), de acordo co establecido nas bases da convocatoria.

Cuarto.-No caso de producirse algunha renuncia ás bolsas ás que se fixo referencia nos apartados primeiro e segundo desta resolución, a Dirección Xeral de Universidades e Investigación procederá, se é o caso, e tendo en conta o remanente de crédito para os efectos do inicio do período de desfrute da bolsa, a adxudica-la dita axuda a algunha das persoas que se relacionan no anexo III. A asignación farase pola mesma orde na que se relacionan.

Quinto.-A inobservancia por parte dos beneficiarios de calquera das bases establecidas na Orde de convocatoria do 2 de maio de 1996, suporá a perda do dereito a percibi-lo importe correspondente.

Sexto.-Contra a presente resolución os interesados poderán interpoñer recurso ordinario ante o conselleiro de Educación e Ordenación Universitaria no prazo dun mes contado a partir da entrada en vigor da presente resolución, de acordo co disposto nos artigos 114 e seguintes da Lei 30/1992, de réxime xurídico das administracións públicas e do procedemento administrativo común.

Disposición derradeira

A presente resolución entrará en vigor o día seguinte ó da súa publicación no Diario Oficial de Galicia

Santiago de Compostela, 13 de decembro de 1996.

José Manuel Touriñán López

Director xeral de Universidades e Investigación

ANEXO I

ANEXO II

ANEXO III

7792