Convócase concurso público, por procedemento aberto, trámite de urxencia, a dirección de obra, aparellador ou arquitecto técnico, da obra de rehabilitación do edificio C para laboratorios tecnolóxicos de Ferrol.
O prego de cláusulas administrativas particulares para a contratación da subministración por concurso público pódese retirar na xerencia, Servicio de Xestión Económica, na sede do rectorado sita en r/ Maestranza, s/n, A Coruña, de luns a venres e de 9 a 14 horas.
As propostas presentaranse no rexistro xeral da universidade, r/ Maestranza, s/n, A Coruña de luns a venres e de 9 a 14 horas.
O prazo de presentación de proposicións rematará ás 14 horas do décimo terceiro día natural contado a partir do seguinte ó da publicación desta resolución no Diario Oficial de Galicia.
A apertura de plicas celebrarase o terceiro día hábil seguinte ó do remate do prazo de presentación das proposicións, ás 11 horas da mañá na sala de xuntas da xerencia; se este día coincide en sábado, realizarase o luns seguinte á mesma hora.
Orzamento de contratación: cinco millóns trescentas noventa e nove mil setecentas corenta e sete pesetas (5.399.747).
Garantía provisional: non se esixe.
Clasificación: non se esixe.
A Coruña, 28 de novembro de 1996.
P.D. (R. 30-3-1990)
José María Pujalte Giménez
Gerente
8972