Visto o expediente incoado nesta delegación provincial a petición de Unión Eléctrica-Fenosa, S.A. con domicilio en Vigo no que solicita autorización e declaración de utilidade pública para o establecemento da instalación eléctrica de media tensión unha L.M.T. e un C.T. en Rúa Nova de Abaixo, concello de Bueu, e cumpridos os trámites regulamentarios ordenados no capítulo III do regulamento aprobado polo Decreto 2619/1966, sobre expropiación forzosa e sancións en materia de instalacións eléctricas, e de acordo co disposto no Real decreto 1634/1980, sobre transferencias de competencias da Administración do Estado á Xunta de Galicia en materia de industria, esta delegación provincial, resolveu:

Autorizar a Unión Eléctrica-Fenosa, S.A. a instalación eléctrica que ten como características principais as seguintes: L.M.T., áerea, a 20 kV, de 558 m de lonxitude, con conductor tipo LA-56, sobre apoios de formigón, desde a L.M.T. existente ó C.T. de Beluso vila, rematando no C.T. que se proxecta en Rúa Nova de Abaixo, concello de Bueu. C.T. de 100 kVA, relación de transformación 20 kV 380/220 V.

Declara-la utilidade pública da instalación eléctrica que se autoriza, para os efectos sinalados na Lei 10/1966, sobre expropiación forzosa e sancións en materia de instalacións eléctricas, e no seu regulamento de aplicación do 20 de outubro de 1966.

Esta instalación non poderá entrar en servicio mentres o seu peticionario non conte coa aprobación do proxecto de execución, logo de cumpri-los trá

mites que se sinalan no capítulo VI do citado Decreto 2617/1966, do 20 de outubro.

Pontevedra, 8 de novembro de 1996.

Ramón Álvarez Abad

Delegado provincial de Pontevedra

96-8814