Para os efectos previstos nos decretos 2617 e 2619/1966, do 20 de outubro, sométese a información pública a solicitude da empresa Unión Eléctrica-Fenosa, S.A., co enderezo na r/ Severo Ochoa nº 2, 15008 A Coruña, para a autorización administrativa e declaración de utilidade pública, da instalación que segue:
Liña eléctrica aéreo-subterránea de media tensión, a 20 kV, sobre apoios de madeira e de formigón ou baixo tubo, con orixe na liña Tambre II-Noia a Lousame no apoio núm. 17, e final no C.T. que se vai instalar en Seoane, cos seguintes tramos:
-De 352 m de lonxitude e con conductor de Cu de 10 mm sobre apoios de madeira entroncando no citado apoio núm. 17.
-De 120 m de lonxitude, e con conductor de Al-95 mm, subterránea e baixo tubo.
-De 986 m de lonxitude e con apoios metálicos e de formigón desde a subterránea ó C.T. de Seoane.
-Centro de transformación aéreo sobre apoio metálico, de 50 kVA e tensións de 20/0,380-0,220 kV en Seoane, con rede de baixa tensión sobre apoios de formigón e conductor R.Z. de 556 m de lonxitude. Lousame.
Todas aquelas persoas ou entidades que se consideren afectadas poderán presenta-las súas reclamacións ou oposición, no prazo de trinta días, nesta delegación provincial, edificio administrativo Monelos, 15071 A Coruña.
A Coruña, 7 de novembro de 1996
Juan I. Lizaur Otero
Delegado provincial da Coruña
96-8810