A Escola Galega de Administración Pública organiza unhas xornadas sobre o novo código e o proceso penal, conforme as seguintes bases:

1.-Obxecto.

Os días 19 e 20 de decembro de 1996 desenvolveranse, no salón de actos da Escola Galega de Administración Pública, unhas xornadas sobre o novo código e o proceso penal.

2.-Obxectivos.

As xornadas teñen por finalidade o estudio das consecuencias derivadas da entrada en vigor do novo Código penal, tanto desde o punto de vista do dereito procesal como desde a perspectiva da Administración pública, con especial consideración das administracións autonómicas.

3.-Contido.

Entre outros, desenvolveranse os seguintes temas:

-Competencia e tipos de procedementos. Reestructuración dos medios materiais na Administración de Xustiza.

-Execución de penas privativas de liberdade. A problemática dos arrestos de fin de semana e o seu cumprimento en depósitos municipais.

-Execución doutras penas. Responsabilidade civil das Administracións públicas.

4.-Destinatarios.

Persoal ó servicio de calquera das administracións públicas galegas e interesados en xeral.

5.-Desenvolvemento e duración.

As xornadas abriranse o xoves, día 19 de decembro, ás 16.30 horas, e rematarán, ás 21 horas do venres, día 20.

6.-Inscrición.

-Prazo: remata o luns, día 16 de decembro de 1996.

-Lugar de presentación: no rexistro xeral da Escola Galega de Administración Pública (polígono das Fontiñas, rúa de Madrid, 2-4, 15703 Santiago de Compostela). Tfno. 57 08 00. Telefax nº 57 15 40.

-Forma: as solicitudes de inscrición faranse por escrito, no modelo oficial que figura ó final destas bases. Serán rexeitadas todas aquelas peticións que non reúnan o dito requisito.

As peticións de admisión poderanse enviar por correo ordinario ou por telefax ó número consignado.

-Inscrición fóra de prazo: só se admitirán, de quedaren prazas baleiras, coa condición de que se cumpran os requisitos xerais antes indicados.

A partir do 17 de decembro, os peticionarios poderán obter confirmación da súa posible admisión, chamando por teléfono de 10.30 a 14.45 horas, ó seguinte número: (981) 57 08 00 (ext. 229), ou ben consultando a lista de admitidos, que se expoñerá no taboleiro de anuncios da Escola Galega de Administración Pública 24 horas despois de remata-lo prazo de presentación de solicitudes.

7.-Certificación de asistencia.

Entregaráselles ó remate destas xornadas a aqueles asistentes que concorresen asiduamente a elas, e expresarase neste documento a natureza da actividade e a data da súa realización.

Santiago de Compostela, 27 de novembro de 1996.

Domingo Bello Janeiro

Director da Escola Galega de Administración Pública

8872