A Corporación Municipal en Pleno deste concello, en sesión extraordinaria celebrada o día 30 de agosto de 1996, acordou prestar aprobación definitiva á modificación puntual das normas subsidiarias municipais de planeamento para delimitación entre o SAU-7 a Ordenanza 4G2 no Vicaño (Sanxenxo), sendo a parte dispositiva do mencionado acordo a seguinte:

Primeiro.-Aprobar definitivamente a modificación puntual das NN.SS.MM. para delimitación entre o SAU-7 e a Ordenanza 4G2 no Vicaño (Sanxenxo).

Segundo.-Publica-lo presente acordo no Diario Oficial de Galicia, con indicación dos recursos procedentes contra este, debendo publicarse integramente as ordenanzas da modificación.

Así mesmo, comunicarlle este acordo á Consellería de Política Territorial, Obras Públicas e Vivenda, con traslado dunha copia adverada do expediente completo, debidamente dilixenciado.

Terceiro.-A eficacia deste acordo, así como a entrada en vigor da modificación aprobada quedará diferida ó cumprimento do disposto no apartado precedente.

Contra este acordo que é definitivo en vía administrativa, poderase interpor directamente e, no prazo de dous meses, recurso contencioso-administrativo, ante o Tribunal Superior de Xustiza de Galicia na Coruña, logo da comunicación ó órgano autor do acto a que se refire o artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común, sen prexuízo de que poida exercer, se é o caso, calquera outro recurso que estime procedente.

En Sanxenxo, 10 de outubro de 1996.

J. Luis Rodríguez Lorenzo

Alcalde

96-8754