Esta Consellería de Cultura e Comunicación Social, unha vez cumpridos os trámites administrativos correspondentes, resolveu anunciar, polo sistema de concurso, procedemento aberto, trámite de urxencia, a contratación da seguinte obra e asistencia técnica:
-Rehabilitación do mosteiro de Santa María de San Clodio do Ribeiro de Avia (Leiro-Ourense):
Orzamento de licitación: catrocentos corenta e nove millóns trescentas setenta e oito mil seiscentas cincuenta pesetas (449.378.650 ptas), IVE incluído.
-Prazo de execución: dezaoito meses (18) máximo, catorce meses (14) mínimo.
Clasificación esixida: grupo K, subgrupo 7, categoria «e».
Fianza provisional: non se esixe.
-Control de calidade para as obras de rehabilitación do mosteiro de Santa María de San Clodio do Ribeiro de Avia (Leiro-Ourense).
Orzamento de licitación: tres millóns cincocentas oitenta e unha mil oitocentas corenta e oito pesetas (3.581.848 ptas.), IVE incluído.
Prazo de execución: trece meses (13).
Fianza provisional: non se esixe.
Exposición dos pregos: o proxecto de obra, os pregos de prescricións técnicas e os pregos de cláusulas administrativas estarán de manifesto no servicio de obras e contratación da Consellería de Cultura e Comunicación Social, e nas delegacións provinciais durante o prazo de presentación de proposicións, de 10 a 14 horas, e no teléfono (981) 58 89 38.
Prazo de presentación de proposicións: será de 13 días naturais contados a partir do día seguinte á publicación da presente resolución no DOG.
Lugar de presentación de proposicións: no rexistro xeral da consellería en sobres pechados e asinados polo licitador ou persoa que o represente. Se as proposicións se cursan por correo, haberá que aterse ó previsto na cláusula 7.2 do prego de cláusulas administrativas particulares.
Documentación que presentarán os licitadores: a establecida pola cláusula 7 do prego de cláusulas administrativas particulares, os licitadores que concorran a máis dunha obra, deberán presenta-la documentación para cada unha delas.
Apertura de proposicións: será realizada pola mesa de contratación ás 11 horas do quinto día natural seguinte ó do remate do prazo de admisión de proposicións na sala de xuntas da Consellería de Cultura e Comunicación Social.
Se coincidise en sábado ou festivo, terá lugar o inmediato día hábil seguinte á mesma hora.
O importe do anuncio do presente concurso será por conta do adxudicatario.
Santiago de Compostela, 13 de novembro de 1996.
José Mª Sánchez González
Secretario xeral da Consellería de Cultura
e Comunicación Social