O exercicio do dereito de folga queda condicionado ó mantemento dos servicios esenciais definidos no artigo 2 do Decreto 155/1988, do 9 de xuño de 1988 (DOG nº 116, do 20 de xuño).
O artigo 3 do devandito decreto faculta ós conselleiros competentes por razón dos servicios esenciais afectados para que, mediante orde e ante cada situación de folga, determinen o mínimo de acti
vidade necesaria para asegura-lo mantemento de tales servicios, e o persoal preciso para prestalos.
O Comité de Empresa da Delegación Provincial da Consellería de Familia, Muller e Xuventude de Pontevedra, en escrito presentado perante a mencionada delegación provincial (rexistro de entrada do 7 de novembro de 1996) comunica a convocatoria de folga na gardería infantil O Toxo de Pontevedra para a totalidade da xornada laboral dos próximos días 18, 19 e 20 de novembro de 1996.
A necesaria conciliación entre o exercicio do dereito constitucional de folga e o mantemento dos servicios esenciais obriga a esta consellería a fixa-los servicios mínimos necesarios para o adecuado desenvolvemento das actividades en favor do principio constitucional de protección social da familia.
Na súa virtude, convocado en tempo e forma para ser oído o Comité de Folga,
DISPOÑO:
Primeiro.-Que o persoal preciso para asegura-lo mantemento dos servicios esenciais durante a folga convocada para os días 18, 19 e 20 de novembro de 1996 na gardería infantil O Toxo de Pontevedra é o seguinte:
Directora da gardería, 1 cociñeiro, 2 auxiliares puericultores e 2 camareiros-limpadores.
Segundo.-A designación nominal do persoal que deberá cubri-los servicios fixados será feita pola delegada provincial da consellería, e publicada no taboleiro de anuncios da citada gardería.
erceiro.-O incumprimento da obriga de atende-los servicios mínimos fixados nesta orde será sancionado de conformidade coa lexislación vixente.
Cuarto.-O disposto na presente orde non suporá limitación ningunha dos dereitos que a normativa reguladora da folga lle recoñece ó persoal na dita situación.
Santiago de Compostela, 13 de novembro de 1996.
Manuela López Besteiro
Conselleira de Familia, Muller e Xuventude
8179