En aplicación do artigo 59.4º da Lei 30/1992, do 26 novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona que, con esta data, se acorda publica-la proposta de resolución do expediente sancionador que se instrúe por infracción continuada do R.D. 1437/1992, do 27 de novembro (BOE do 13 de xaneiro), sobre producción e comercialización de productos pesqueiros, por non ser posible a súa notificación.

O interesado dispón dun prazo de 15 días, contados a partir do seguinte ó da publicación da presente cédula, para examina-lo expediente e presenta-las alegacións na Delegación Provincial de Sanidade e Servicios Sociais de Ourense (Avda. de Zamora, nº 13), segundo preceptúa o artigo 19 do R.D. 1398/1993, do 4 de agosto, polo que se aproba o Regulamento para o exercicio da potestade sancionadora.

Ourense, 11 de outubro de 1996.

María Isabel Suárez García

Instructora

ANEXO

Expediente: 42/1996.

Denunciado: Ovidio Álvarez Domínguez.

DNI: 35.792.786.

Último enderezo coñecido: rúa Ortigueira, nº 2-1º A Coruña.

Feitos imputados: transporte continuado de peixe en vehículo carente de isotermia.

Tipificación da infracción: R.D. 1437/1992.

Artigo infrinxido: 3.1º 8.

Cualificación da infracción: grave.

Sanción proposta: 750.000 ptas.

8143