Aprobadas inicialmente polo Pleno da Corporación Municipal, na sesión ordinaria celebrada o día 27 de setembro de 1996, as normas subsidiarias de planeamento do concello do Covelo, sométense á información pública durante o prazo dun mes, contado a partir do día seguinte ó da derradeira publicación deste edicto no Diario Oficial de Galicia, no BOP de Pontevedra e nun dos cornais de maior circulación desta, durante o cal poderán ser examinadas no concello e ser formuladas alegacións que se consideren pertinentes, conforme establece o artigo 114 do Real decreto lexislativo 1/1992, do 26 de xuño, polo que se aproba o texto refundido da Lei sobre o réxime do solo e ordenación urbana. Así mesmo, de conformidade co disposto no artigo 102 da antedita lei, acórdase a suspensión de outorgamento de licencias urbanísticas no ámbito de todo o concello, esceptuándose da dita suspensión aquelas que, cumprindo coa normativa vixente, non incumpran o que se aprobou inicialmente. O período de
suspensión farase efectivo ata a aprobación definitiva das mencionadas normas, sen que poida o dito prazo supera-los dous anos.
O Covelo, 30 de setembro de 1996.
O alcalde
Rubricado