Para os efectos previdos no artigo 9 do Decreto 2617/1966 e no artigo 10 do Decreto 2619/1966, ámbolos dous do 20 de outubro, sométese a información pública a petición de autorización e declaración de utilidade pública da instalación eléctrica L.M.T. a C.T. Vía-C.T. a Toxa-C.T. Vila Cruz, coas seguintes características especiais:
Peticionario: Unión Eléctrica-Fenosa, S.A.
Lugar no que se vai establece-la instalación: desde a L.M.T. Graña-Conricado ata o C.T. Vía en treito aéreo e desde este pasando polo C.T. a Toxa e C.T. Canteiras ata o C.T. Vila Cruz en treito soterrado, concello do Grove.
Finalidade da instalación: mellora-la subministración eléctrica na zona.
Características principais: L.M.T., aérea, a 20 kV, de 44 m de lonxitude, con conductor tipo LA-110, sobre apoios de formigón.
L.M.T., soterrada, a 20 kV, de 1.840 m de lonxitude, con conductor tipo R.H.V.
Orzamento: 27.546.427 ptas.
O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, nº 2, e formularse contra este as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.
Pontevedra, 17 de setembro de 1996.
Ramón Álvarez Abad
Delegado provincial de Pontevedra
7435