Esta consellería, unha vez cumpridos os trámites administrativos correspondentes, resolveu anunciar, polo sistema de concurso de procedemento aberto da obra, declarada de urxencia, que se cita:
-Substitución de cubertas no C.P. de Serra de Outes (A Coruña).
-Orzamento de licitación: 17.067.535 ptas. (dezasete millóns sesenta e sete mil cincocentas trinta e cinco pesetas).
-Non se admiten variantes económicas.
-Prazo de execución: 2 meses.
-Sen clasificación.
Exposición do proxecto: o proxecto e o prego de cláusulas administrativas particulares estarán de manifesto na Subdirección Xeral de Construccións e Equipamento, da secretaría xeral desta consellería, edificio administrativo 2, San Caetano, Santiago de Compostela, durante o prazo de presentación de proposicións das nove ás catorce horas. Os pregos de cláusulas administrativas particulares tamén se poderán examinar nas delegacións provinciais de Educación.
Prazo de presentación de proposicións: rematará o décimo terceiro día natural contado a partir do día seguinte ó da publicación desta resolución neste Diario Oficial de Galicia.
Lugar de presentación de proposicións: no rexistro xeral desta consellería, edificio administrativo 2, San Caetano, Santiago de Compostela. En canto ás proposicións por correo, haberá que aterse ó disposto na cláusula 8.1 do prego das administrativas particulares.
Documentación que presentarán os licitadores: a especificada nas cláusulas 8.2., 8.3 e 8.4 do prego das administrativas particulares.
Exame da documentación: a mesa de contratación cualificará as documentacións presentadas e publicará a continuación no taboleiro de anuncios desta consellería, o resultado da devandita cualificación, co fin de que se emenden, dentro do prazo que se indique os defectos materiais observados na documentación.
Apertura de proposición: será realizada pola mesa de contratación ás 12 horas do oitavo día hábil seguinte ó de terminación do prazo, na sala de xuntas desta consellería.
O importe deste anuncio será por conta da empresa adxudicataria.
Santiago de Compostela, 25 de outubro de 1996.
P.D. (Orde 21-6-1996)
Máximo García Serrano
Secretario xeral da Consellería de Educación e Ordenación Universitaria
9607467