Pola Orde do 15 de maio de 1996 (DOG do 29) regúlase o proceso de adscrición dos funcionarios do corpo de mestres afectados pola implantación da educación primaria e do primeiro ciclo da educación secundaria obrigatoria.

Feito o dito proceso, esta consellería resolve:

Primeiro.-Facer pública a relación de funcionarios pertencentes ó corpo de mestres que participaron no proceso de adscrición regulado pola Orde do 15 de maio de 1996 (DOG do 29), con indicación do destino e especialidade adxudicada.

Segundo.-Aqueles funcionarios do corpo de mestres que non obtiveron destino no proceso de adscrición figuran no anexo desta orde sen indicación de especialidade. A este profesorado que non obtivo destino consideraráselle que perdeu o posto de traballo que viña desempeñando como consecuencia da súa supresión ou transformación.

Terceiro.-A publicación, que por esta orde se fai, dos destinos acadados no proceso de adscrición non prexulga a resolución dos recursos ordinarios presentados.

Cuarto.-De conformidade co establecido na disposición adicional décimo primeira da Orde do 15 de maio de 1996, os postos de traballo adxudicados, como consecuencia da adscrición, terán efectos do 1 de setembro de 1996, sen prexuízo das adscricións funcionais de carácter temporal que, se é o caso, sexan necesarias.

Santiago de Compostela, 24 de outubro de 1996.

Celso Currás Fernández

Conselleiro de Educación e Ordenación Universitaria

7718