O artigo 5.2º do Decreto 442/1990, de avaliación do impacto ambiental para Galicia (DOG nº 188, do 25-9-1990), dispón que os estudios de impacto ambiental se someterán ó trámite de información pública durante trinta días hábiles, mediante anuncio no Diario Oficial de Galicia. Na súa virtude,
RESOLVO:
Someter a información pública, por un prazo de trinta días hábiles, contados a partir da publicación da presente resolución, o estudio de impacto ambiental e plan de restauración da solicitude de concesión de explotación derivada do permiso de investigación denominado Salceda nº 2372, situada nos lugares de Candide, Fraga, Salceda, Bouzavedra e outros dos termos do Porriño e Salceda de Caselas, provincia de Pontevedra, e solicitada por Cabaleiro Nogueira, S.L.
Para os efectos informativos porase á disposición dos administrados que o soliciten un exemplar do mesmo para consulta nas oficinas desta dirección xeral e as alegacións formularanse durante o prazo sinalado nas mesmas ofinas.
Santiago de Compostela, 30 de agosto de 1996.
Joaquín del Moral Crespo
Director xeral de Industria
9607175