Por Orde do 26 de abril de 1996 (DOG do 10 de maio), convócanse e aprobánse as bases que rexerán a convocatoria de axudas para o establecemento de convenios de colaboración con institucións públicas e privadas sen fin de lucro para a realización de programas de investigación.
Na súa virtude, de acordo co establecido nas bases da convocatoria e atendendo á proposta elaborada pola Comisión de Selección de Política Científica creada polo Decreto 160/1991, do 16 de maio (DOG do 28 de maio) e orde da Consellería de Educación
e Ordenación Universitaria do 27 de xullo de 1994 (DOG do 10 de agosto), esta dirección xeral,
RESOLVE:
Primeiro.-Concede-las axudas que a continuación se relacionan e para a finalidade que se indica en cada caso:
-Servicio Galego de Saúde (Sergas). Programa: bolsas de investigación no ámbito da atención especializada. Contía da axuda: 5.000.000 de ptas.
-Universidade de Santiago de Compostela. Programa: bolsas postdoutorais. Contía da axuda: 15.000.000 de ptas.
-Universidade da Coruña. Programa: bolsas postdoutorais. Contía da axuda: 10.000.000 de ptas.
-Univesidade de Vigo. Programa: axudas complementarias para proxectos de investigación financiados parcialmente en convocatorias internacionais e nacionais. Contía da axuda: 15.000.000 de ptas.
-Universidade de Vigo. Programa: bolsas postduotorais. Contía da axuda: 2.000.000 de ptas.
-Asociación para o Fomento da Investigación Cerámica en Galicia (Aficega). Programa: bolsas para colaborar nos proxectos de investigación en temas de cerámica. Contía da axuda: 1.500.000 ptas.
-Asociación Nacional de Fabricantes de Conservas de Pescados e Mariscos (Anfaco). Programa: bolsas para colaborar en proxectos de investigación relacionados coa industria conserveira. Contía da axuda: 1.500.000 ptas.
Segundo.-De acordo co disposto no artigo 5 da orde de convocatoria, as axudas formalizaranse nun convenio específico que se subscribirá entre a Consellería de Educación e Ordenación Universitaria e cada unha das institucións beneficiarias.
Terceiro.-Unha vez rematado o curso 1996/1997 e no prazo máximo de dous meses, as institucións beneficiarias deberán remitirlle á Dirección Xeral de Universidades e Investigación unha memoria na que se detalle o investimento das axudas concedidas.
Cuarto.-A inobservancia por parte dos beneficiarios de calquera das bases establecidas na orde de convocatoria do 26 de abril de 1996, suporá a perda do dereito a percibi-la subvención correspondente.
Quinto.-Contra a presente resolución os interesados poderán interpoñer recurso ordinario ante o conselleiro de Educación e Ordenación Universitaria no prazo dun mes contado a partir do día seguinte ó da publicación da presente resolución
no DOG, de acordo co disposto nos artigos 114 e seguintes da Lei 30/1992, de réxime xurídico das administracións públicas e do procedemento administrativo común.
Disposición derradeira
A presente resolución entrará en vigor o día seguinte ó da súa publicación no Diario Oficial de Galicia.
Santiago de Compostela, 26 de setembro de 1996.
José Manuel Touriñán López
Director xeral de Universidades e Investigación
6164