O Pleno do Concello, en sesión do día 26 de outubro de 1995, acordou o seguinte:

Aprobar inicialmente o proxecto de saneamento dos barrios de Falcoa, Centieira, Porto Loureiro e diversos camiños da parroquia de Castrelos, PIC, 92, PIC-1892/2C, redactado por Agustín Riobó Quintas, cun orzamento total de 138.630.500 ptas., das que 1.966.500 ptas. van destiñadas a expropiación, e, así mesmo, a aproba-lo parcelario e a relación de bens e dereitos afectados que figuran nel.

Tamén acordou declara-la expropiación forzosa cos efectos de declaración de utilidade pública e necesidade de concretar ocupación de 1.035 m e unha ocupación temporal de 1.380 m.

Por último, sométese o expediente a información pública polo prazo de quince días hábiles, con inserción de anuncios no DOG, BOP, prensa e taboleiro da Casa do Concello, así como con notificacións individuais ós propietarios afectados.

O expediente atópase na Oficina Municipal de Información, para exame e alegacións.

Vigo, 7 de agosto de 1996.

Manuel Pérez Álvarez

Alcalde