De acordo co establecido na Orde do 12 de marzo de 1996 (Boletín Oficial del Estado do 26 de marzo), pola que se convocaban axudas para a realización de visitas de estudio para especialistas de educación, dentro do marco do programa Arión da Unión Europea, e unha vez efectuada a selección do profesorado solicitante seguindo os criterios e baremo previstos no punto cuarto desta orde, esta consellería,

RESOLVEU:

Primeiro.-Nomear candidatos titulares os participantes relacionados no anexo I da presente orde.

Segundo.-Nomear candidatos suplentes os participantes relacionados no anexo II da presente orde, co obxecto de prever posibles renuncias dos titulares.

Terceiro.-Os candidatos suplentes, en principio, non substituirán a ningún candidato en particular. Non obstante, procurarase en todo momento respecta-lo número de prazas concedidas a cada Comunidade Autónoma con competencias educativas plenas e que figuran no punto primeiro.3 da Orde do 12 de marzo.

Cuarto.-De acordo co establecido no punto sexto.2 da mencionada orde, a Subdirección Xeral de Cooperación Internacional remitirá as relacións dos titulares e suplentes, xunto cos seus cuestionarios de solicitude, por triplicado, á Axencia Nacional Sócrates, así como á Comisión Europea e á Oficina de Asistencia Técnica Sócrates e Xuventude, de Bruxelas, a que procederá á adscrición dos beneficiarios a unha visita determinada, organizando a composición dos grupos que tomarán parte nas diferentes visitas, segundo as prioridades indicadas polos interesados. Estes recibirán da dita axencia a correspondente notificación.

Quinto.-No caso de renuncia ás citadas axudas, comunicaráselle esta circunstancia á Subdirección Xeral de Ordenación Educativa (San Lázaro 107, Santiago de Compostela), e á Oficina Sócrates de Bruxelas, nos quince días seguintes á publicación da presente orde.

As renuncias que se producisen ó longo do ano académico deberanlle ser comunicadas inmediatamente á Subdirección Xeral de Cooperación Internacional, así como á Subdirección Xeral de Ordenación Educativa.

Sexto.-Contra esta disposición poderán os interesados interpoñe-los recursos previstos na lexislación vixente.

Santiago de Compostela, 28 de xuño de 1996.

Celso Currás Fernández

Conselleiro de Educación e Ordenación Universitaria

ANEXO I

-Titulares:

José Carlos Chas Brínquez.

Mª Asunción Fernández-Albor Baltar.

Constantino Freire Llamas.

José Víctor Ónega Carrera.

Florentina Peliquín Pérez.

Margarita Pérez Froiz.

Mercedes Rodeiro Barros.

Faustino Salgado Torres.

ANEXO II

-Suplente:

Javier Fernández González.

6136