A Corporación Municipal, na sesión extraordinaria que tivo lugar o día 27 de maio de 1996, por maioría absoluta, acordou o seguinte:

1º. Resolver tódalas reclamacións presentadas respecto do acordo tomado polo Pleno do Concello, que tivo lugar o día 29 de marzo de 1996 sobre aprobación inicial do proxecto saneamento en Forcarei e outros; declaración de utilidade pública das obras, e a relación concreta e individualizada dos bens e dereitos que se consideran de necesaria expropiación pola execución do antedito proxecto; necesidade de ocupación dos bens e dereitos que se van expropiar e declaración de urxente ocupación dos terreos afectados.

2º. Aprobar definitivamente o proxecto para a execución da obra saneamento en Forcarei e outros, elaborado polo arquitecto Gumersindo Ferro Pichel, e a relación concreta e individualizada dos bens e dereitos que se consideran de necesaria expropiación pola execución do antedito proxecto.

Faise público para xeral coñecemento e para os correspondentes efectos.

Forcarei, 4 de xuño de 1996.

Manuel Brea Porto

Alcalde

5967