Para os efectos previdos no artigo 9 do Decreto 2617/1966 e no artigo 10 do Decreto 2619/1966, ámbolos dous do 20 de outubro, sométese a información pública a petición de autorización e declaración de utilidade pública da instalación eléctrica entrada liña a 66 kV Troncal (Redondela-Renfe)
en subestación Pazos de Borbén, coas seguintes características especiais:
Peticionario: Unión Eléctrica-Fenosa, S.A.
Lugar no que se vai establece-la instalación: desde o apoio n.435 da liña Troncal (Redondela-Renfe) situada no Monte do Cano, sobre Redondela e Vigo, rematando na nova subestación de Pazos de Borbén, concellos de Vigo, Redondela e Pazos de Borbén.
Finalidade da instalación: mellora-la seguridade da subministración eléctrica na zona.
Características principais: liña, a 66 kV, dobre circuíto, de 3.653 m de lonxitude, con conductor tipo LA-180, sobre apoios metálicos de celosía e 120 m de liña subterránea de entrada na subestación, con conductor tipo R.H.V.
Orzamento: 35.171.848 ptas.
O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, nº 2, e formularse contra este as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.
Pontevedra, 20 de xuño de 1996.
Ramón Álvarez Abad
Delegado provincial de Pontevedra
5651