O Pleno da Corporación, en sesión celebrada o día 27 de xuño de 1996, adoptou o seguinte acordo:

Primeiro.-Prestar aprobación definitiva ó proxecto de urbanización do solo C-1 do vixente Plan xeral de ordenación urbana, integrado polo da propia unidade de execución C-1 e do proxecto de trazado para novo acceso e enlace da estrada N-553 coa zona comercial na parcela denominada Granja de San Blas, documentos redactados respectivamente

polo arquitecto José Luis Pereiro Alonso, con visado da delegación do COAG en Pontevedra de 27-3-1996, e polo enxeñeiro Ignacio Alonso Jorreto, visado pola delegación do Colexio Oficial de Enxeñeiros de Camiños, Canles e Portos de 5-6-1996, desestimándose as alegacións formuladas durante a fase de información pública do procedemento, de conformidade cos feitos e motivacións expostas.

Segundo.-Comunicar á delegación provincial da Consellería de Política Territorial, Obras Públicas e Vivenda o presente acto administrativo, con notificación ós interesados ofrecéndolle-lo réxime de recursos correspondentes e proceder á publicación de anuncio no boletín oficial procedente para efectos da súa executividade.

Terceiro.-Facer constar que o presente acto administrativo outórgase no exercicio das atribucións urbanísticas e de réxime local que lle corresponden a esta Administración municipal e sen prexuízo de terceiros ou do dereito de propiedade e das preceptivas autorizacións que poidan precisarse doutras administracións para a execución do proxecto no sentido global, en especial da preceptiva autorización ó proxecto de construcción do acceso, enlace e remodelación do nó do Pino que teña que outorgar o Ministerio de Fomento a través do procedemento normativamente estipulado no ordenamento xurídico das estradas do Estado.

Recursos procedentes:

Contra a precedente resolución, que esgota a vía administrativa, poderase interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses computados a partir do día seguinte a esta publicación, logo de comunicación ó órgano que dictou o acto impugnado, e isto sen prexuízo de que poida exercitar, se é o caso, calquera outro recurso que se estime procedente.

Pontevedra, 18 de xullo de 1996.

Juan Luis Pedrosa Fernández

Alcalde

Julio Dapena Outomouro

Secretario xeral

AVISO PARA OS ANUNCIANTES

PREZOS PARA A PUBLICACIÓN DE ANUNCIOS

NO DOG A PARTIR DO 1 DE XANEIRO DE 1996

(Decreto 289/1995, do 3 de novembro,

DOG do 9 do mesmo mes)

-Tramitación ordinaria: 445 pesetas/liña de 54 espacios.

-Tramitación urxente: 890 pesetas/liña de 54 espacios.