De conformidade coa proposta elevada pola comisión constituída para xulga-lo concurso, convocado por resolución desta universidade do 4 de setembro de 1995 (BOE do 27 de setembro de 1995) para a provisión da praza de profesor titular de escola universitaria da área de coñecemento de dereito civil, do departamento de Dereito Común, da Universidade de Santiago de Compostela, a favor de Javier Lete Achirica, e cumprindo o interesado os requisitos a que alude o artigo 5.2º do Real decreto 1888/1984, do 26 de setembro,

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Javier Lete Achirica, profesor titular de escola universitaria da área de coñecemento de dereito civil, do departamento de Dereito Común, da Universidade de Santiago de Compostela.

Santiago de Compostela, 7 de xuño de 1996.

F. Darío Villanueva Prieto

Rector da Universidade de Santiago de Compostela

4723