Vistos os expedientes incoados pola empresa Unión Eléctrica-Fenosa, S.A., con enderezo na rúa Severo Ochoa, número 2, 15008 A Coruña, para a autorización administrativa e aprobación do proxecto de execución da instalación que segue:

-Modificado ó proxecto de liña eléctrica subterránea parque Montouto-Imaxe Galega (Teo), consistente en: tramo de liña eléctrica subterránea de media tensión a 20 kV, baixo tubo e con conductor R.H.V. 15/25 kV de 3(1x150) mm Al, de 380 m de lonxitude, con orixe no C.T. parque Montouto nº 2 e final no C.T. parque Montouto nº 1. Tramo das mesmas característica, de 697 m de lonxitude, con orixe no C.T. parque Montouto nº 1 e final no C.T. Imaxe Galega. Centro de transformación, tipo caseta, de 400 kVA e tensións de 25/0,380-0,220 kV, nomeado C.T. parque Montouto nº 2. Concello de Teo.

Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.

A Coruña, 23 de maio de 1996.

Juan Ignacio Lizaur Otero

Delegado provincial da Coruña

4615