1. Obxecto do concurso: constitúe o obxecto do concurso a adxudicación do contrato de redacción
do proxecto para a construcción dun aparcamento subterráneo e que servirá de base para a concesión da súa explotación (concesión de bens de servicio público), nos seguintes lugares: Praza do Conde ou Avda. de Ricardo Sánchez.
2. Concursantes: poderán participar no concurso os profesionais habilitados, en virtude do título correspondente, para a redacción deste tipo de proxectos.
Cada participante poderá presentar máis dunha proposta, tanto se acode só como se o fai en equipo.
3. Proposicións: presentaranse no rexistro xeral da casa do concello durante o prazo de corenta e cinco días máis contados desde o día seguinte á publicación deste anuncio no Diario Oficial de Galicia, en sobre pechado, no que figurará a inscrición do obxecto de concurso.
A documentación que se presentará será a seguinte:
a) Solicitude cuberta conforme o modelo que se cita no punto 6.
b) Copia do DNI do solicitante ou representante do equipo profesional.
c) Xustificante do pagamento dos dereitos de inscrición, que ascenden a 15.000 pesetas.
4. Premio: o adxudicatario do concurso, unha vez notificado o acordo adoptado, procederá no prazo dun mes e redactará o proxecto básico e de execución seguindo os criterios técnicos propostos na documentación presentada. O custo do proxecto será asumido pola empresa adxudicataria da concesión da explotación do aparcamento.
5. Documentación que presentarán os concursantes: os traballos entregaranse baixo lema, co fin de garanti-lo anonimato dos concursantes, xunto cun sobre pechado baixo o mesmo lema. No interior do sobre constará a identidade do concursante ou do equipo coa sinatura correspondente.
6. Solicitudes: presentaranse segundo o modelo seguinte:
Don/Dona..., de profesión..., veciño/a de..., con domicilio en..., NIF número..., actuando en representación (propia ou de...), expón,
a) Que, informado da convocatoria do concurso para a redacción do proxecto para a construcción dun aparcamento subterráneo, solicita a súa inscrición para participar nel.
b) Que coñece e acepta as bases do concurso.
c) Que presenta xustificante de pagamento dos dereitos de inscrición.
7. Bases: poderán examinarse na dependencia municipal de contratación, segundo andar, en horas de 9 a 14.
Pontedeume, 31 de maio de 1996.
Belarmino Freire Bujía
Alcalde