A) Asistencia técnica.
1. Asistencia técnica para a realización da planificación da rede foronómica nas concas de Galicia-costa.
Clave: OH.088.141/AT.
Orzamento: dezaseis millóns duascentas oitenta e oito mil setecentas vinte pesetas (16.288.720).
Prazo de execución: 12 meses.
Clasificación: grupo I, subgrupo 1, categoría a.
2. Asistencia técnica para a redacción do proxecto de colectores das marxes do río Umia. (Ribadumia e outros-Pontevedra).
Clave: OH.336.348/AT.
Orzamento: nove millóns setecentas dezaoito mil dezaseis pesetas (9.718.016).
Prazo de execución: 4 meses.
Clasificación: grupo II, subgrupo 3, categoría b.
(Declaradas urxentes conforme o establecido no artigo 72 da Lei de contratos das administracións públicas).
B) Documentos de interese para os licitadores.
Os pregos de cláusulas administrativas particulares, así como os pregos de prescricións técnicas, estarán de manifesto e á disposición dos concursantes, para o seu exame, durante o prazo de presentación das proposicións, os días e horas hábiles de oficina, na Dirección Xeral de Obras Públicas da Consellería de Política Territorial, Obras Públicas e Vivenda, edificios administrativos de San Caetano, Santiago de Compostela.
C) Garantías que se lles esixen ós licitadores.
Esixirase unha fianza definitiva equivalente ó 4% do orzamento de contrata.
A devandita fianza poderá ser presentada na modalidade e polas persoas ou entidades que especifica a lexislación española vixente.
D) Modelo de proposición.
Proposición económica formulada estrictamente conforme o modelo que se achega ó prego de cláusulas administrativas particulares.
E) Prazo e lugar para a presentación de proposicións.
As proposicións deberán presentarse en sobre pechado no rexistro xeral da Consellería de Política Territorial, Obras Públicas e Vivenda ou enviarse por correo dentro do prazo de admisión sinalado conforme o disposto no Art. 100 do Regulamento xeral de contratación do Estado.
O prazo de admisión das proposicións terminará ás doce horas do décimo quinto día natural, que non coincida en sábado, seguinte ó da publicación deste anuncio no Diario Oficial de Galicia.
F) Apertura das proposicións.
A apertura das proposicions será realizada pola mesa de contratación ás dez horas do décimo día natural, que non coincida en sábado, contado a partir do último día de presentación de proposicións.
G) Documentos que deben presenta-los licitadores.
Os que figuran no prego de cláusulas administrativas particulares.
O importe do presente anuncio será por conta dos adxudicatarios.
Santiago de Compostela, 31 de maio de 1996.
P.D. (Orde 13-12-1993)
José Antonio Fernández Vázquez
Secretario xeral da Consellería de Política Territorial, Obras Públicas e Vivenda
3926
