Para os efectos previdos no artigo 9 do Decreto 2617/1966, do 20 de outubro, sométese a información pública a petición de instalación de central de coxeración, que ten as seguintes características especiais:
Peticionario: Novo y Sierra, S.A.
Lugar no que se vai establece-la instalación: en Torre, Santa Cristina de Campaña, concello de Valga.
Finalidade da instalación: producción de enerxía eléctrica e aproveitamento da calor residual.
Características principais: central de coxeración composta de dous grupos motoxeradores con motor de 900 kW de potencia e xerador de 1.125 kVA cada un. Tensión 380 V. Transformador de 2.250 kVA, equipo de conexión, protección e recuperación de calor. Empregarase como combustible propano ou gas natural.
Orzamento: 120.206.750 ptas.
O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, nº 2, e formularse contra el as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.
Pontevedra, 19 de abril de 1996.
Ramón Álvarez Abad
Delegado provincial de Pontevedra
3678