A Consellería de Cultura, unha vez cumpridos os trámites administrativos correspondentes, resolveu anunciar, polo sistema de concurso, procedemento aberto, trámite de urxencia, a contratación que se cita:

-Edición de 7.500 exemplares da guía do museo, 10.000 posters e 20.000 folletos relativos ó museo do Castro de Viladonga, en Castro de Rei (Lugo):

Orzamento de licitación: nove millóns de pesetas. (9.000.000 de ptas.) IVE incluído.

Prazo de execución: un (1) mes.

Fianza provisional: non se esixe.

-Exposición dos pregos: o prego de características técnicas e o prego de cláusulas administrativas estarán de manifesto no servicio de obras e contratación da Consellería de Cultura, e nas delegacións provinciais durante o prazo de presentación de proposicións, de 10 a 14 horas, e no teléfono (981) 58 89 38.

- Prazo de presentación de proposicións: será de 13 días naturais contados a partir do día seguinte á publicación da presente resolución no DOG.

-Lugar de presentación de proposicións: no rexistro xeral da consellería en sobres pechados e asinados polo licitador ou persoa que o represente. Se as proposicións se cursan por correo, haberá que

aterse ó previsto na cláusula 7.2 do prego de cláusulas administrativas particulares.

-Documentación que presentarán os licitadores: a establecida pola cláusula 7 do prego de cláusulas administrativas particulares.

-Apertura de proposicións: será realizada pola mesa de contratación ás 11 horas do quinto día natural seguinte ó do remate do prazo de admisión de proposicións na sala de xuntas da Consellería de Cultura.

Se coincidise en sábado ou festivo, terá lugar o inmediato día hábil seguinte á mesma hora.

-O importe do anuncio do presente concurso correrá por conta do adxudicatario.

Santiago de Compostela, 13 de maio de 1996.

Rubén Víctor Lois Calviño

Secretario xeral da Consellería de Cultura

3896