Para os efectos previdos no artigo 9 do Decreto 2617/1966, do 20 de outubro, sométese a información pública a petición de instalación de central de coxeración na explanada anexa ó peirao de reparacións de Coia, parcela 7-Bouzas que ten as seguintes características especiais:
Peticionario: Elaborados Freiremar Vigo, S.A.
Lugar no que se vai establece-la instalación: na explanada anexa ó peirao de reparacións de Coia, parcela VII-Bouzas, concello de Vigo.
Finalidade da instalación: producción de enerxía eléctrica e aproveitamento da calor residual.
Características principais: grupo moto-alternador de 660 kW a 1.000 r.p.m. cun xerador de 850 kVA. Equipo auxiliar de control e protección. Equipo de acoplamento e medida a rede con transformador de 1.000 kVA. Caldeira de recuperación da calor e sistema de almacenamento de combustible.
Orzamento: 43.000.000 de ptas.
O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, nº 2, e formularse contra el as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.
Pontevedra, 26 de febreiro de 1996.
Ramón Álvarez Abad
Delegado provincial de Pontevedra
3215