Aprobados incialmente polo Concello Pleno, co data do 26 de outubro de 1995, o estudio de detalle de fixación de aliñacións e rasantes no cuarteirón
Sanjurjo Badía, Dr. Corbal, Pedro Alvarado e Alonso Ojeda (3371/411), redactado polo arquitecto Rogelio Pérez Conde por encargo do Concello de Vigo, así como a delimitación como unidade de execución das parcelas interiores do ámbito do estudio de detalle, que figuran no plano P-4 do expediente, fixando o sistema de compensación; sométese a información pública polo prazo de quince días, mediante anuncios no Diario Oficial de Galicia, BOP, nun dos xornais de maior circulación da provincia e máis no taboleiro de anuncios do concello, con notificación persoal ós propietarios e restantes interesados directamente afectados.
Sinálase como área afectada pola suspensión de licencias de parcelación, edificación e demolición o abranguido polo seu ámbito, que vén reflectido no plano I-1 do expediente, cos límites seguintes:
Norte: rúa Alonso Ojeda.
Sur: rúa Sanjurjo Badía.
Leste: rúa Dr. Corbal.
Oeste: rúa Pedro Alvarado.
O prazo entenderase aberto desde a primeira publicación ata o remate dos quince días, contados desde o día seguinte ó do derradeiro anuncio.
O que se fai público para xeral coñecemento, significando que a documentación se atopa na Oficina Municipal de Información para exame e alegacións.
Vigo, 5 de decembro de 1995.
José A. Gil Sotres
Alcalde Acctal
2830