Visto o artigo 4.7º do Decreto 442/1990, do 13 de setembro (DOG nº 188, do 25 de setembro), de avaliación do impacto ambiental para Galicia, o delegado provincial da Consellería de Industria e Comercio de Pontevedra,
RESOLVE:
Dar publicidade, mediante a presente publicación, ó acordo do 29-6-1995, da Comisión Galega do Medio Ambiente, polo que se formula a declaración de impacto ambiental do proxecto de explotación de granito ornamental da concesión derivada do permiso de investigación denominado Entienza nº 2468 sita en terreos do termo municipal de Salceda de Caselas, provincia de Pontevedra, promovido por Comunidad de Montes Vecinales en Mano Común de Entienza.
A mencionada declaración refírese, en exclusiva, a explotación do espacio delimitado polos paralelos 42º 4' 40'' norte, e polos meridianos 8º 33' 20'' 8º 34' 20'' oeste, e foi incorporada ó expediente do permiso de investigación Entienza nº 2468 encontrándose a disposición de calquera interesado nesta delegación provincial.
Pontevedra, 11 de abril de 1996.
Ramón Álvarez Abad
Delegado provincial de Pontevedra
3227