Convócase concurso público, polo trámite de urxencia, para a subministración de butacas para o salón de actos da facultade de ciencias da educación.

O prego de cláusulas administrativas particulares para a contratación de subministracións por concurso público pódese retirar na xerencia, Servicio de Xestión Económica, na sede do rectorado sita en r/ Maestranza, s/n, A Coruña, de luns a venres e de 9 a 14 horas.

As propostas presentaranse no rexistro xeral da universidade, r/ Maestranza, s/n, de luns a venres e das 9 ás 14 horas.

O prazo de presentación de proposicións rematará ás 14 horas do décimo terceiro día natural contado a partir do seguinte ó da publicación desta resolución no Diario Oficial de Galicia.

A apertura de plicas celebrarase o terceiro día hábil seguinte ó do remate do prazo de presentación de proposicións, ás 11 horas da mañá na sala de xuntas da xerencia; se este día coindice en sábado realizarase o luns seguinte á mesma hora.

Orzamento de contratación: dez millóns seiscentas mil pesetas (10.600.000 ptas.).

Garantía provisional: duascentas doce mil pesetas (212.000 ptas.).

A Coruña, 24 de abril de 1996.

P.D. (Resolución 30-3-1990)

José Mª Pujalte Giménez

Xerente da Universidade da Coruña

9603344