1. Poder adxudicador: Deputación Provincial da Coruña, rúa Alférez Provisional, s/n, 15003 A Coruña (España). Teléfono (981) 18 33 00. Fax (981) 18 33 07. Expediente número 96/2209. Sección de Patrimonio e Contratación.
2. Obxecto do contrato: subministración e instalación de marquesiñas nas paradas de autobuses de viaxeiros na provincia da Coruña. Lote único.
Lugar de entrega: concellos da provincia da Coruña.
Prazo de entrega: cinco meses.
3. Forma de adxudicación: concurso con procedemento aberto.
4. Orzamento de licitación:
-Importe total sen IVE:
P. unitario: 751.685 ptas.
Prezo total: 129.289.879 ptas.
-Importe total IVE incluído o 16%:
P. unitario: 871.955 ptas.
Prezo total: 149.976.260 ptas.
5. Fianzas e garantías esixidas:
a) Fianza provisional: 2% do orzamento base de licitación: 2.999.525 ptas.
b) Fianza definitiva: 4% do orzamento base de licitación: 5.999.050 ptas.
6. a) Obtención de documentos: Deputación Provincial da Coruña. Sección de Patrimonio e Contratación, rúa Alférez Provisional, s/n, 15003 A Coruña (España). Teléfono (981) 18 33 00. Fax (981) 18 33 07.
b) Data límite de solicitude de documentos e información: 10 de xuño de 1996.
7. Requisitos específicos do contratista: ver cláusula 7ª do prego de condicións particulares. Acreditar capacidade económica e financeira: informes de institucións financeiras. Capacidade técnica: relación de subministracións similares dos últimos tres anos. Referencias técnicas: memoria descritiva de cada un dos artigos e marcas, características técnicas, capacidade de producción e distribución das fábricas ou talleres, instalacións e sucursais; maquinaria e equipo do que dispoñen, número de persoal fixo e eventual, controis de calidade que se efectúen. Medios de transporte. Asistencia técnica. Compromiso de prazos de entrega e instalación. Catálogos, debuxos, folletos, fotografías ou videos dos bens que se oferten. Designación (optativo) dun local na Coruña no que se poidan examinar mostras da totalidade ou dalgún dos elementos da marquesiña e que deberán estar na Coruña o día que remate o prazo de presentación de ofertas. Compromiso de dispor dun representante oficial,
concesionario ou distribuídor dos productos.
Forma xurídica: deberá reuni-los requisitos previstos no capítulo I do título II da Lei 13/1995, do 18 de maio, de contratos das administracións públicas.
Agrupación temporal de empresas (declaración da porcentaxe de participación e designación do responsable diante da Administración).
8. a) Presentación das ofertas: coa documentación esixida na cláusula 7ª do prego, ata as 13 horas do día 13 de xuño de 1996.
b) Enderezo: véxase no punto 5 a).
c) Idioma: castelán ou galego.
d) Prazo de validez da oferta: tres meses.
e) Admisión de variantes: non se admitirán variacións en materiais, procesos de calidade esixidos, formato ou conxunto da unidade, nin calquera outra variación que se aparte do proposto no prego.
9. a) Data, lugar e hora de apertura das ofertas: día 14 de xuño de 1996, ás 12 horas, na sede da Deputación Provincial, rúa Alférez Provisional, s/n, 15003 A Coruña (España).
b) Persoas admitidas á apertura: acto público.
10. Outras informacións: Sección de Patrimonio e Contratación, teléfono (981) 18 33 00. Fax (981) 18 33 07.
Modalidade de pago: na forma prevista na clásula 7ª do prego de condicións:
a) O 25% do prezo de adxudicación unha vez instalado o 25% das marquesiñas.
b) O 25% do prezo de adxudicación unha vez instalado o 50% das marquesiñas.
c) O 25% do prezo de adxudicación unha vez instalado o 75% das marquesiñas.
d) O 25% do prezo de adxudicación unha vez instalado o 100% das marquesiñas.
Criterios de adxudicación: ver clásusula 9 do prego de condicións.
Modelo de oferta económica:
«Don/Dona..., con domicilio en..., rúa..., nº..., con DNI nº..., ou pasaporte ou documento que o substitúa, actuando en nome propio (ou en nome e representación de... con domicilio en..., rúa..., nº..., teléfono...) toma parte no concurso convocado pola Deputación Provincial da Coruña e publicado con data do..., para a subministración e instalación de marquesiñas nas paradas de autobuses de viaxeiros da provincia da Coruña fai constar que coñece e acepta o prego de cláusulas administrativas e técnicas particulares e que se compromete a realiza-la subministración con suxeición a este, polo importe que se sinala a seguir (IVE incluído):
Nº marquesiñas..., prezo unitario..., prezo total...
(O licitador, asinado e rubricado)».
11. Gastos de anuncios: o adxudicatario virá obrigado a pagar tódolos gastos de publicación de anuncios de licitación e adxudicación que se publiquen nos medios de comunicación ou diarios oficiais, así coma os tributos que pesen sobre do contrato ou, se é o caso, sobre do obxecto do contrato.
12. Data de envío do anuncio ó Diario Oficial das Comunidades Europeas: 23 de abril de 1996.
A Coruña, 23 de abril de 1996.
Augusto César Lendoiro
Presidente
José Luis Almau Supervía
Secretario