O Decreto 245/1994, do 23 xuño, regula o procedemento para que determinadas actividades e proxectos obteñan a declaración de interese para a promoción do Camiño de Santiago.

A súa disposición derradeira primeira faculta o conselleiro de Cultura para dicta-las disposicións necesarias para o desenvolvemento e execución deste decreto.

En virtude da referida autorización,

DISPOÑO:

Artigo único.

Declarar de interese para a promoción do Camiño de Santiago o proxecto presentado polo Colexio Oficial de Aparelladores e Arquitectos técnicos de Lugo, titulado «Estudio de construcción rural en el Camiño de Santiago», por considerar que se adapta ó disposto no Decreto 245/1994, do 23 de xuño, segundo a valoración feita pola comisión creada para o efecto pola Orde de 7 de marzo de 1995.

O proxecto queda inscrito no rexistro de actividades e proxectos de interese para a promoción do Camiño de Santiago co nº 010.

Os titulares das actividades ou proxectos declarados farán constar na execución deles que foron declarados de interese pola Consellería de Cultura.

Santiago de Compostela, 29 de marzo de 1996.

Víctor Manuel Vázquez Portomeñe

Conselleiro de Cultura

2980