Dentro dos programas de actividades que a Academia Galega de Seguridade ten previsto realizar no ano 1996, e conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a celebración dunhas xornadas sobre violencia urbana, que deberán desenvolverse conforme ás seguintes bases:

Obxectivos.

As xornadas teñen por obxectivos dotar dunha formación adecuada ós membros dos corpos e forzas de seguridade, e duns coñecementos indispensables para desenvolve-la súa actividade profesional, afondando na problemática derivada destes temas, tan preocupantes nos tempos de hoxe.

Destinatarios.

As xornadas van dirixidas ós membros dos corpos de forzas de seguridade.

Inscrición.

A inscrición dos participantes será totalmente gratuíta.

Prazas.

O número de prazas que se ofertarán serán de 300.

Solicitudes.

1. O persoal que desexe participar nesta xornadas deberá presentar, cuberta á máquina ou con letra moi clara, a instancia que figura no anexo, acompañada dunha fotocopia do DNI e do carné profesional.

2. O prazo para a presentación de instancias rematará o día 7 de maio de 1996, ás 14 horas.

3. As instancias deberán vir asinadas polo xefe do cadro de persoal e seladas; será isto requisito indispensable para ser admitido nos cursos; o incumprimento deste requisito levará consigo a exclusión do devandito curso.

4. As instancias deberán enviarse á sede da Academia Galega de Seguridade: rúa de Madrid, 2-4, polígono das Fontiñas, 15703, Santiago de Compostela, ou ben poden entregarse en calquera dos lugares previstos no artigo 38.4º da Lei 30/1992, do 26 de

novembro, de réxime xurídico das administracións públicas e do procedemento administrativo común.

Contido e duración.

As xornadas celebraranse en sesións de mañá e tarde, e nelas trataranse, en outros, os seguintes temas:

a) A violencia urbana.

b) A violencia no deporte desde o punto de vista da prensa.

c) Actuación diante de espectáculos deportivos.

d) Motivacións sociolóxicas da violencia e delincuencia xuvenil.

e) Consecuencias xurídicas e patrimoniais dos destrozos provocados por bandas xuvenís.

Datas.

As xornadas desenvolveranse durante os días 20 e 21 de maio de 1996.

O horario será o seguinte:

-Día 20: de 9.30 a 13.30 horas e de 16.15 a 20 horas.

-Día 21: de 10 a 14 horas.

Relación de admitidos.

A relación de admitidos publicarase o día 9 de maio de 1996 no taboleiro de anuncios da Academia Galega de Seguridade, ou ben poden conforma-la súa asistencia chamando ó teléfono (981) 56 34 00.

Lugar.

As xornadas celebraranse no salón de actos da Escola Galega de Administración Pública, sita na rúa Madrid, 2-4, no polígono das Fontiñas.

Certificado de asistencia.

Ó remate das xornadas entregaráselles un certificado de asistencia a aquelas persoas que acrediten a súa participación continuada a elas.

Modificacións.

A Academia Galega de Seguridade poderá modifica-lo desenvolvemento das xornadas para adapta-las ás necesidades da Administración e ás continxencias que poidan xurdir.

Santiago de Compostela, 20 de marzo de 1996.

Juan José Fariñas-Ferro Rodríguez

Director xeral da Academia Galega de Seguridade

2721