Galego | Castellano

DOG - Xunta de Galicia -

Diario Oficial de Galicia
DOG Núm. 71 Xoves, 11 de abril de 1996 Páx. 3.281

IV. OPOSICIÓNS E CONCURSOS

UNIVERSIDADE DE VIGO

RESOLUCIÓN do 11 de marzo de 1996 pola que se nomea profesor titular de universidade da área de coñecemento de química orgánica, do departamento de Química Pura e Aplicada, a Ángel Rodríguez de Lera.

Consonte a proposta elevada pola comisión constituída para xulga-lo concurso convocado por resolución da Universidade de Vigo do do 20 de outubro de 1995 (BOE do 14-11-1995), para a provisión de unha praza de profesor titular de universidade da área de coñecemento de química orgánica, do departamento de Química Pura Aplicada da Universidade de Vigo, a prol de Ángel Rodríguez de Lera, DNI nº 76.328.281, e cumprindo o interesado os requisitos a que alude o artigo 5.2º do Real decreto 1888/1984, do 26 de setembro,

Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Ángel Rodríguez de Lera profesor titular de universidade da área de coñecemento de química orgánica, do departamento de Química Pura e Aplicada da Universidade de Vigo.

Este nomeamento producirá plenos efectos a partir da correspondente toma de posesión polo interesado, que deberá efectuarse no prazo máximo dun mes, contado desde o día seguinte ó da publicación da presente resolución no Boletín Oficial del Estado.

Contra esta resolución, que esgota a vía administrativa, poderán os interesados, logo de comunicación a este rectorado, interpoñer recurso contencioso-administrativo perante o Tribunal Superior de Xustiza de Galicia no prazo de 2 meses contados desde o día seguinte ó da súa publicación no Boletín Oficial del Estado.

Vigo, 11 de marzo de 1996.

José Antonio Rodríguez Vázquez

Rector da Universidade de Vigo

2116