Examinado o expediente incoado pola titularidade do centro privado Hijas de Jesús da Coruña en solicitude de autorización definitiva, para a súa apertura e funcionamento, no nivel de educación infantil-2º ciclo no dito centro.
Resultando que o expediente foi tramitado pola Delegación Provincial de Educación e Ordenación Universitaria da Coruña, que o envía cos informes emitidos pola Inspección de Educación e pola unidade técnica.
Resultando que o centro obtivo, por Orde do 26 de agosto de 1974, a clasificación definitiva para 33 unidades de EXB.
Resultando que o centro solicita a transformación de nove destas unidades en nove unidades de educación infantil-2º ciclo.
Vistos o Real decreto 1004/1991, do 14 de xuño, polo que se establecen os requisitos mínimos dos centros que imparten ensinanzas de réxime xeral non universitarias (BOE do 26), o Decreto 133/1995, do 10 de maio, sobre autorización de centros docentes privados para impartir ensinanzas de réxime xeral non universitarias (DOG do 22) e demais disposicións complementarias.
Considerando que o centro reúne os requisitos necesarios de acordo coas disposicións vixente na materia. Esta consellería,
DISPÓN:
Autorizarlle ó centro privado Hijas de Jesús da Coruña a creación de nove unidades de educación infantil-2º ciclo por transformación de nove unidades de educación primaria.
Santiago de Compostela, 6 de febreiro de 1996.
Juan Piñeiro Permuy
Conselleiro de Educación e Ordenación Universitaria
ANEXO
PROVINCIA DA CORUÑA
Concello: A Coruña.
Localidade: A Coruña.
Enderezo: Estrada da Zapateira, 18.
Denominación: Hijas de Jesús.
Titular: Congregación Hijas de Jesús.
Composición resultante:
Nivel: educación infantil-2º ciclo.
Unidades que se autorizan: 9.
NIvel: educación primaria.
Unidades que se autorizan: 24.
96-2225