De conformidade coa proposta elevada pola comisión constituída para xulga-lo concurso, convocado por resolución desta universidade do 5 de xuño de 1995 (BOE do 22 de xuño de 1995) para a provisión da praza de profesor titular de universidade da área de coñecemento de xeografía humana, do departamento de Xeografía, da Universidade de Santiago de Compostela, a favor de José Manuel Santos Solla, e cumprindo o/a interesado/a os requisitos a que alude o artigo 5.2º do Real decreto 1888/1984, do 26 de setembro,
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a José Manuel Santos Solla, profesor titular de universidade da área de coñecemento de xeografía humana, do departamento de Xeografía, da Universidade de Santiago de Compostela.
Santiago de Compostela, 12 de marzo de 1996.
F. Darío Villanueva Prieto
Rector da Universidade de Santiago de Compostela
9601858