Dentro dos programas de actividades que a Academia Galega de Seguridade ten previsto realizar no ano 1996 de forma descentralizada, e conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a celebración de 3 cursos sobre tráfico e seguridade vial, que deberán desenvolverse conforme as seguintes bases:

Obxectivos.

Os cursos teñen por obxectivos:

a) Coñece-las normas fundamentais sobre seguridade vial.

b) Coñecer con exactitude as funcións da policía local en materia de seguridade vial.

c) Clarifica-la actuación da policía local neste tema.

Destinatarios.

Os cursos van dirixidos ós membros dos corpos das policías locais de Galicia.

Inscrición.

A inscrición dos participantes será totalmente gratuíta.

Prazas.

O número de prazas que se ofertarán para cada curso será de 40.

Solicitudes.

1. O persoal que desexe participar nestes cursos deberá presentar, cuberta á máquina ou con letra moi clara, a instancia que figura no anexo, acompañada dunha fotocopia do DNI e do carné profesional.

2. O prazo para a presentación de instancias rematará ás 14 horas, nas seguintes datas:

-Lugo: 8 de abril.

-Ourense: 6 de maio.

-Pontevedra: 20 de maio.

3. As instancias deberán vir firmadas polo xefe do cadro de persoal e seladas, será esto requisito indispensable para ser admitido nos cursos; o incumprimento deste requisito levará consigo a non admisión no devandito curso.

4. As instancias deberán enviarse á sede da Academia Galega de Seguridade: rúa de Madrid, 2-4 polígono das Fontiñas, 15703, Santiago de Compostela, ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.

Contido e duración.

Os cursos celebraranse en sesións de tarde, de luns a venres, e neles trataranse, entre outros, os seguintes temas:

a) Ideas xerais sobre tráfico e seguridade vial.

b) A Lei 18/1989, do 25 de xullo, de bases sobre tráfico.

c) Real decreto lexislativo 339/1990, do 2 de marzo.

d) Regulamento xeral de circulación, Real decreto 13/1992, do 17 de xaneiro.

e) Normas de comportamento no tráfico.

Datas.

Os cursos celebraranse nas seguintes datas:

-Lugo: do 15 ó 19 de abril.

-Ourense: do 20 ó 24 de maio.

-Pontevedra: do 24 ó 28 de xuño.

O horario será de 16 a 20 horas do serán.

Relación de admitidos.

A relación de admitidos publicarase nas seguintes datas:

-Lugo: 10 de abril.

-Ourense: 13 de maio.

-Pontevedra: 10 de xuño.

Esta relación publicarase no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono (981) 56 34 00.

Lugar.

Os cursos desenvolveranse nas cidades de Lugo, Ourense e Pontevedra, quedando por concretar o seu lugar de celebración, que se comunicará previamente xunto coa lista de admitidos.

Certificado de asistencia.

Ó remate dos cursos entregaráselles un certificado de asistencia a aquelas persoas que acrediten a súa participación continuada a este, e non poderán supera-las faltas de asistencia un 15% do total da duración de horas lectivas do curso; unha non asistencia superior ó 15%, aínda que sexa xustificada, levará consigo a non expedición do certificado.

Modificacións.

A Academia Galega de Seguridade poderá modifica-lo desenvolvemento dos cursos para adaptalos ás necesidades da Administración e ás continxencias que poidan xurdir.

Santiago de Compostela, 13 de marzo de 1996.

Juan José Fariñas-Ferro Rodríguez

Director xeral da Academia Galega de Seguridade

2309